泰鳩

營業中

休息中

今日朋友帶咗我去食有明星加持嘅泰國菜，上到去先知原來3月17號之前有每日驚喜優惠🤩凡惠顧滿$500，$1可以食到某啲菜式嗰日我哋係泰式生蝦六隻，不過因為我哋唔食生嘢，所以就冇叫到，但係都超級抵🥳✨404黑色西蘭花佢哋最出名就係黑色西蘭花同埋火山骨，今次就叫咗黑色西蘭花其實就係用墨汁嚟煮，初時以為好怪，但係估唔到都幾夾。✨慢煮牛肋骨跟蒜蓉包青咖哩份量都幾大，牛肋骨嘅肉都幾淋有肉味，點青咖喱食會更加濃郁。仲有可以加蒜蓉包，同青咖喱更加夾。✨冬蔭功單骨雞翼炸得非常香脆，入面嘅肉依然都係嫩滑，不過就少冬陰功味。✨香茅班蘭茶見到呢個好特別，所以就叫咗呢個同朋友一齊飲，飲落去真係有淡淡清香嘅斑蘭味，反而就冇乜香茅味。