影片
港鐵油麻地站 A2 出口, 步行約2分鐘
繼續閱讀
電話號碼
29899298
29899093
開飯介紹
餐廳以黃、藍色做主調，並設有戶外露天座位，打造年輕時尚的用餐環境；菜式選擇豐富，提供多款辣味菜餚，照顧不同食客口味。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
-
網上訂座服務暫停
優惠
88折
【亞洲菜】$100 通用現金券 **無限兌換**
$88
$100
油麻地呢間泰國菜而家做緊$1菜式優惠，咁抵就嚟咗食個豐富午餐🍴 Lunch時段，餐廳都好多人幫襯啊🤗海鮮花甲乳豬煲喺門口見到佢個鍋物Menu好似好吸引，有多款配料包括自家製乳豬、花甲、青口、大頭蝦、魷魚、娃娃菜、韭菜同埋芽菜🍲 湯底方面可以揀冬陰功或者係椰汁，我哋就揀咗冬陰功，呢隻冬陰功唔算非常酸辣嗰種，所以配海鮮比較夾🦐 另外呢個煲仲可以揀一款主食，我哋就揀咗公仔麵，不過要注意煮公仔麵嘅時間，太耐就會變得太腍㗎啦🍜火山骨勁鍾意佢個火山骨，其實係豬脊骨，餐廳煲得好腍，輕鬆就可以將啲肉拆出嚟🤩 而且佢嘅味道特別迎合大多數香港人嘅口味，冇泰式原味咁辣🌶️ 唔會去到後尾辣到食唔到㗎。馬拉盞通菜呢個係限時優惠，呢日星期六加$1就食到啦🥬 馬拉盞通菜個味道唔會好鹹，加埋少量嘅辣椒食落口好惹味呀。唔好睇佢做優惠份量就好少，都夠我哋分享，而且唔會唔夠喉😙黃金蝦餅一份有四件，都幾大件，外層炸得香脆，入面嘅蝦膠口感實淨，有咬口，配埋泰式醬超級夾🍤飲品♦️翠綠湖見到佢個名好靚，入面嘅材料有班蘭、椰奶同埋鮮奶，飲品好香椰奶嘅味道🥥♦️香茅班蘭茶呢個係用茶壺上嘅茶，浸一陣就飲得🍵 有淡淡嘅香茅同埋班蘭味道，幾有泰式風情。3月17號前，凡惠顧$500就可以用一蚊嘅優惠價加配指定菜式，每日嘅優惠都唔同㗎，等我下次星期二嚟食先，一蚊優惠係我鍾意嘅火山骨呀🌋 仲有見到隔離檯叫咗個404黑色西蘭花，望落幾特別，下次嚟要試吓🥦
繼續閱讀
噚日（14-12-2024 Sat），同老公忙到傍晚，佢話出信和行兼食飯，好啦，去邊喥食？我就諗到呢間，唔知多唔多人等位呢？我哋嚟到，原來好細間，而都重有位，坐低後睇menu，一頁睇晒。見到有未食過嘅火山骨就覺得要叫，然後見有沙爹串燒，我search過，話呢喥嘅沙爹醬幾濃，於是又要。嘢飲呢，老公手揀$22.00嘅菠蘿汁，我想要$52.00嘅香茅班蘭茶，但話售罄，於是要$48.00嘅翠綠湖。咁嘢食全部都係肉，就要叫個菜喇，原本想要$72.00嘅介蘭，但篤入去睇又話售罄，唯有揀$88.00嘅雜菜，而我因為有杯嘢有可以解辣嘅鮮奶成份，所以揀辣嘅馬拉盞。落完單，最先到嚟嘅就係兩杯嘢飲，老公一飲自己杯菠蘿汁就話好飲，但我一啖都未飲過。我杯翠綠湖呢？成份有椰奶，鮮奶同斑蘭，拎到嚟睇，特別有深綠色嘅液體沉喺底，飲吓，係斑蘭糖漿，完全冇攪勻過就上枱，攪勻咗味道就唔太甜又有椰子味，ok嘅。4.5分馬拉盞炒雜菜份量少得可憐，種類有西蘭花，芥菜苗（？）同菇，口感正常，而呢個都係辣，馬拉盞味道好似唔係好突出。4分$82.00嘅沙爹串燒，揀雞，牛各3串睇見份量同樣唔多，又有啲白色醬淋喺面上，先食雞肉同唔蘸沙爹醬，都仍算juicy亦夠味，再蘸沙爹醬食，有香味但完全唔辣，令我失望。而牛肉就有少少筋，亦係juicy同夠味。3.5分$132.00嘅細火山骨呢個比較耐至到，見到淋上唔少青色嘅粒粒，係咩嚟呢？食落，係辣嘅青檸味，呢種酸辣係可以，不過同馬拉盞炒雜菜一樣，對我嚟講辣，然而火山骨本身仍有肉味，不過有啲肉係嚡咗啲。4.5分環境：一入到去，原來地方唔大，一眼睇晒，但枱興枱之間嘅空間係好夠。而呢晚都幾涼吓，冷氣開得大。價錢：有加一服務費，即任單係$409.00。
繼續閱讀
這間由Mirror Error成員開嘅樓上泰國菜餐廳想試好耐,終於同朋友去潮聖✌️餐廳名字已經先聲奪人😅裝修主要由黃藍色調,感覺舒服好溫暖！而且價錢唔太貴！🍢沙嗲串燒牛肉同雞肉各3串,燒到好香好juicy, 肉質軟嫩,表面淋上椰漿好香,再點沙嗲醬更惹味！🍍菠蘿海鮮炒飯原個新鮮菠蘿海鮮炒飯上枱賣相已好吸睛😍飯炒得夠乾身,上面鋪滿超多肉鬆,餡料超豐富有唔少海鮮如蝦仁、魷魚粒、青口、鮮甜菠蘿粒,香脆腰果仁等多...口感好豐富！🐟冬陰功烤魚(鱸魚)原條鱸魚烤到好香,外脆肉嫩,而且唔太多骨啖啖肉,索晒冬陰功汁食落好香口過癮,,又唔會太辣好惹味！仲愈滾愈入味添😋🫖水果茶(一壺)水果茶有多種生果片,好香甜,略帶微酸越飲越開胃！🍹柚子蜜(熱)柚子蜜酸酸甜甜好清新！
繼續閱讀
考試要輕鬆吓嘅，食餐好嘅❤️所以今晚一於出去食全家都鍾意嘅泰國嘢🍽️🍴泰式涼拌鮑魚4隻鮑魚好爽彈配搭埋泰式汁，酸酸辣辣好惹味🍴泰式明爐魚原價$128嘅原條鱸魚今日我哋用一蚊就可以食到喇因為餐廳做緊優惠，由即日至3月17號惠顧滿＄500可一蚊加購當日指定食物（每日限量供應）。原條鱸魚魚肉鮮嫩多汁，用爐暖住，暖笠笠🤤🍴火山骨（豬骨脊）超人氣食物火山骨我哋去泰國食過之後已經愛上，見到依度有，而且係招牌菜就一定要捧場一下。大大座排骨山每件豬骨脊都滲透着酸甜嘅蒜香味。而且連於骨脊的筋、肉、骨髓分佈均衡，口感軟腍且味道豐富。🍴泰式花甲乳豬鍋 可以揀椰子/冬陰功湯底，就番芷娸當然係叫椰子湯底啦！店員仲額外俾多一大碗我哋，以免我哋唔夠用。材料方面非常豐富，有皮脆肉嫩乳豬、新鮮蜆，花甲、青口、蝦、韭菜、魷魚、鮮菇，仲有烏冬同公仔麵可以選擇，另外仲附送一碟炸豬皮添。乳豬肉嫩，海產新鮮，湯底非常清甜，絕對對得住個價錢最後我哋嗌咗千層糕做甜品🍮凍嘅千層糕食得多，熱嘅我哋都係第一次。食落口煙韌韌又香濃嘅椰汁味。原來熱嘅比凍嘅好味更多🥥另外我哋仲每人叫咗一杯嘢飲🧊 菠蘿梳打、芒芒雪沙同翠綠湖，各有特色🍹🍍菠蘿梳打有淡淡的菠蘿味道，啱晒我依啲唔鍾意飲太濃味嘅人🥭芒芒雪沙有香濃嘅芒果味， 娸娸飲得津津有味🥥而翠綠湖係由椰奶同班蘭，口味清新。
繼續閱讀
Error Mirror成員有份開嘅泰國菜，本身都以為係明星效應，抱住試伏嘅心態，但估唔到食物真係唔太9認真製作😋𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃 甜爺子 Cocktail🥥🧉椰奶、椰青水、鮮奶、Coconut syrup同Malibu Rum混合，香濃椰奶椰子味，飲落好清新，飲完成個人都好refreshing🥰 泰蕉搖 Cocktail🍌🍫🍹 Vodka、Milk、Vanila、朱古力Syrup同香蕉混合，香濃朱古力味，怕Vodka太烈可以order少酒，飲落好順口，啱晒鍾意甜甜地嘅人😌 燒豬頸肉🐖豬頸肉燒得好香，外皮脆口，肉質嫩滑，配埋泰式醬汁，食落好惹味，每一啖都充滿香氣🤤 瑪莎曼咖哩一哥羊架🐑🥘咖哩香濃得嚟又帶少少甜味，用黎撈飯一流，羊架好香微臊肉質夠軟嫩，痴住肥膏位嘅肉最正🤤泰式蝦炒金邊粉🍤🦐金邊粉炒得夠鑊氣，上到枱熱氣騰騰🔥配料豐富，好有泰國風味，食落好有層次，酸酸地愈食愈開胃😋 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 今日星期二，食夠$500可以$1加購招牌火山骨（豬脊骨）🌋🌶️仲有本身都想試404黑色西蘭花🥦不過可惜太飽，唯有下次再試🤭佢地一星期每日都有唔同嘅$1菜式，做到17/3咋！🤑 人均消費：～$285🤩 推薦指數：8 / 10📍 餐廳資料：泰九鳥 (油麻地)油麻地彌敦道560號譽發廣場4樓☆.。.:*・°☆.。.:*・°☆.。.:*・°☆.。.:*
繼續閱讀