金和潮菜

營業中

休息中

今晚同老公去旺角行街，行行下去到油麻地見到間新開潮洲菜館，都好耐冇打冷，就入去試吓，餐廳除咗有潮州菜，還有大排檔小炒。潮式煎蠔烙$108我哋2個人，切開左4件，每件好大塊，蠔仔好肥好飽滿，成塊煎得金黃，食落好脆，好味又惹味。啫啫鮑魚滑雞煲$168一開蓋，d香味湧出嚟，香到冇得頂，有2隻鮑魚同半隻雞份量，薑蔥調味恰到好處，鮑魚鮮味彈牙，雞食落好入味，好滑唔韌。蠔仔肉碎泡飯$88香味樸鼻，有芹菜、冬菇絲、肉碎，當然有大量蠔仔，個湯底好甜好鮮，熱辣辣上枱，份量頗多，我地每人都食到約3碗，性價比高。因為得2個人，怕食唔哂，冇叫到鵝片，下次先再嗌，餐廳只收茶錢不收加一。