影片
更多
2025-05-03
0 瀏覽
餐廳係泰國過江龍，有米芝蓮推介認證，食過Nara Thai尖沙咀店幾次，睇咗某Youtuber介紹佢地嘅沙田分店，今晚同屋企人去沙田新城市廣場shopping後去咗食。地方都幾大，晚上７點去到近乎滿座。嘢食款式選擇多，一家人嚟食飯最開心，另外想讚上菜夠快！每枱都有免費炸蝦片🌴芒果沙冰 🌴椰子沙冰一個字：爽～～🌴大蝦柚子沙律勁多柚子，鋪滿烤椰絲、炸乾蔥、炸蒜，配甜棕糖汁，大蝦爽口彈牙，開胃醒神！🌴椰子雞湯椰子味濃，有好多雞肉同草菇所以好夠味，有個底座細火暖住非常好。🌴黃咖喱軟殼蟹鍾意食蟹又唔想吮骨，軟殼蟹就最啱，而且都幾大隻，酥脆唔油，浸喺咖喱入面仲可以保留到口感。黃咖喱無落filter真係金黃色，睇到好多蛋花，質地偏杰身濃郁。我阿媽好like！🌴燒豬頸肉配青木瓜沙律燒豬頸肉肥美有炭香，厚切亦都嫩同彈牙，燒得啱啱好。不得不讚個泰式汁，少少辣少少酸幾好味。🌴泰式炒金邊粉調味正宗，微微酸味好開胃，炒到入味彈牙，配菜同大蝦都足。🌴泰式糕點拼盤有椰汁大菜糕，斑蘭糕，椰汁西米糕，每款三件，充滿熱帶風情🥥大菜糕入面有椰肉，有口感👍🏻今晚阿哥請食飯😄
地方都幾大，晚上７點去到近乎滿座。
嘢食款式選擇多，一家人嚟食飯最開心，另外想讚上菜夠快！
每枱都有免費炸蝦片
🌴芒果沙冰
🌴椰子沙冰
一個字：爽～～
🌴大蝦柚子沙律勁多柚子，鋪滿烤椰絲、炸乾蔥、炸蒜，配甜棕糖汁，大蝦爽口彈牙，開胃醒神！
🌴椰子雞湯
椰子味濃，有好多雞肉同草菇所以好夠味，有個底座細火暖住非常好。
🌴黃咖喱軟殼蟹
鍾意食蟹又唔想吮骨，軟殼蟹就最啱，而且都幾大隻，酥脆唔油，浸喺咖喱入面仲可以保留到口感。黃咖喱無落filter真係金黃色，睇到好多蛋花，質地偏杰身濃郁。我阿媽好like！
🌴燒豬頸肉配青木瓜沙律
燒豬頸肉肥美有炭香，厚切亦都嫩同彈牙，燒得啱啱好。不得不讚個泰式汁，少少辣少少酸幾好味。
🌴泰式炒金邊粉
調味正宗，微微酸味好開胃，炒到入味彈牙，配菜同大蝦都足。
🌴泰式糕點拼盤
有椰汁大菜糕，斑蘭糕，椰汁西米糕，每款三件，充滿熱帶風情🥥大菜糕入面有椰肉，有口感👍🏻
今晚阿哥請食飯😄
張貼
