Nara Thai Cuisine (新城市廣場一期)

營業中

休息中

呢間泰國菜都非常出名，餐廳嘅曼谷總店仲係米芝蓮食府嚟㗎 。呢晚行過沙田嘅呢個商場就入咗去食晚飯，平日夜晚嚟到都座無虛席啊😎大蝦柚子沙律呢個沙律主要用上泰國嘅金柚，唔係用蔬菜🍊加埋面頭甜甜地嘅花生粒醬汁，撈埋一齊幾開胃，仲有三隻彈牙嘅大蝦🍤海鮮冬蔭功冬陰功係泰國菜嘅精髓，酸酸辣辣，非常惹味，入面嘅海鮮有虎蝦、帶子、青口同埋魷魚🦑 用個蠟燭㷫住，就唔驚咁快凍咗。泰式滑蛋黃咖喱軟殼蟹有四件炸得酥脆嘅軟殼蟹，軟殼蟹點黃咖喱真係好正，黃咖喱入面有埋滑蛋，所以質地較稠杰，用嚟送飯同埋配蒜蓉包都係一流，不過今次我哋嗌咗太多款菜式，食唔晒咁多款食物，所以冇嗌到🫢燒豬頸肉配青木瓜沙律燒豬頸肉嘅份量好多，每片都係大大件，真係見到都覺得好正。而且燒得夠晒香口，食落口唔會太肥膩🐷 側邊仲有份酸酸地嘅青木瓜沙律，更加開胃解膩。泰式牛肉船麵呢個係餐廳推介嘅菜式之一，泰國上面嘅湯底幾濃郁，帶點辣味，真係好似喺泰國食船麵咁🥰 配料方面有牛肉片、牛丸、牛肋條同埋牛筋，勁鍾意佢個牛筋，因為真係炆得好腍🤤芒果糯米飯伴椰奶一份有半個芒果，而且每件芒果都好Juicy，配埋軟糯又熱辣辣嘅糯米飯，真係充滿泰國特色😆飲品♦️鮮椰子沙冰