小甜將 (已結業)

環境舒適兼款式多嘅甜品小店🍧3.6牛乳綿綿冰 $49賣相唔錯，冰上面有啲黑糖漿，份量啱啱好唔會甜得滯搶咗牛乳味，冰入面都有啲細蒟蒻增加咬口，不過如果成個冰可以再重奶味啲就好啦😆🧇榛子朱古力香蕉窩夫(配曲奇味雪糕) $69榛子醬比得一啲都唔孤寒，點哂4件窩夫都仲有剩，香蕉都有2條窩夫、榛子醬、香蕉同雪糕呢個組合冇得輸🤤，不過略嫌窩夫唔夠脆🫣-小店嚟講，甜品款式都算多，而且都好吸引😋 小編同朋友星期五晚22:00倒去到都唔使等位同任坐，環境都好舒適，如果去開呢頭想食糖水都可以嚟呢間🥰-味道: 7/10服務: 8/10環境: 8/10回頭率: 8/10總評: 8/10💰人均消費: $59