M3 Italian (已結業)

在附近探朋友後搵野食，在積富街由街頭行到街尾，發現都有超過10間餐廳，最後選了外表好似最高級及西式格局的意大利餐廳。裝修有格調，坐位亦闊落舒服，坐在窗口邊，望住外街食飯，好寫意。鮮帶子龍蝦湯都好似有成10隻帶子，份量算多，龍蝦味濃郁，有層次感。肉醬意粉配日式溫泉蛋配搭幾好，除了肉醬外仲有煙肉及碎腸仔，份量豐富，亦唔覺油膩。西班牙燒乳豬好似有¼隻，燒得好皮脆肉嫩，亦煮得入味，看落唔係好多，但食完後會覺得肚將脹晒，好滿足。