咖吔

營業中

休息中

今日陪FD行沙田，見到哩間餐廳晚市好full下，同埋價錢唔貴，咁試試。餐廳裝修得幾有feel，同埋晚市都提供數款套餐，唔錯。凍馬來拉茶，侍應服務好好，話正宗馬來拉茶會有少少甜，會晤會考慮少甜或者走甜，最終揀咗少甜。少甜就唔會好甜，淡淡甜味配埋馬來香料茶香味，好飲。大蝦青木瓜沙律，配菜好豐富，有青木瓜，洋蔥絲同青豆角。醬汁酸辣為主，食落好惹味。古法脆皮手工雞卷，哩個餸好得意，雞皮炸到脆啵啵，內裡雞肉仲好juice。雞肉預先醃制過，食落少少鹹味，唔洗點醬已經好夠味。海南雞飯，搭配埋湯同雞飯。雞肉好嫩滑雞皮好脆口，點埋薑蓉辣椒醬一齊食，食到停唔落口。