鐵板大師

營業中

休息中

最近喺沙田試咗一間平民鐵板餐廳，價錢親民但質素唔錯，尤其係鐵板餐嘅熱度同份量都令人滿意，絕對係街坊抵食之選！ 🌟香煎牛柳 $98牛柳煎得啱啱好，肉質軟腍唔會韌，切開仲保持住粉嫩色澤，黑椒汁香濃但唔會過鹹。跟餐可以揀意粉或飯，意粉煮得彈牙，沾滿醬汁好入味。配菜有西蘭花、甘筍、車厘茄同粟米，色彩豐富又健康。加$22升級套餐仲可以揀餐湯、沙律或脆薯條，性價比高！ 🌟黑椒牛肉鐵板 $68鐵板真係夠熱！上枱時「滋滋聲」好治癒，黑椒牛肉份量足，肉質同樣軟腍，黑椒醬汁濃郁帶微辣，撈飯一流。配菜同牛柳餐一樣有西蘭花同甘筍等，均衡又抵食。 🌟香脆雞翼 $22 雞翼外皮炸得金黃酥脆，肉質嫩滑，調味恰到好處，唔會太鹹，作為小食好適合。 🌟酥炸軟殼蟹 $28軟殼蟹炸得香脆，蟹肉鮮甜，連殼食好方便，蘸少少沙律醬更加惹味。 🌟朱古力心太軟 $28甜品控必試！切開外層蛋糕，濃郁嘅朱古力漿即刻流心而出，味道香甜唔膩，配雪糕一冷一熱好滿足。