沙田凱悅酒店咖啡廳

營業中

休息中

終於有機會黎到沙田凱悦酒店啦！當日一放工，就拜託男朋友飛車載我入去，為嘅就係同好友一齊試今年全新嘅聖誕自助餐。放工時間交通比較繁忙，所以遲到了。幸好酒店設有一個好大既停車場，唔洗晒時間搵停車位。「咖啡廳」位於酒店 Lobby，樓底非常高，環境俾人一個好空曠，舒服既感覺。餐廳間隔主要係四個開放式廚房，當中有壽司廚房，西式廚房，中式廚房，同甜品廚房。先來一個主打既「海膽三文魚籽刺身飯」，以切角三文魚、玉子、魷魚、三文魚籽等等同海膽而成，一人食兩碗好滿足喔！值得一提係原隻甜蝦，又大隻又鮮甜。由於臨近聖誕節，西式廚房亦提供烤火雞，另外亦有烤肉腸，豬肋骨同必試既「芝士磨菇焗龍蝦配美國肉眼」！師傳以酒精點起火，頗有火候。而另一邊廂既中式廚房，就有我最期待既「蠔皇鮑魚扣花膠伴脆米」。花膠炆得好淋，鮑汁好濃好惹味，當中既脆米又吸收晒啲汁，係必食推介！至於甜品廚房就佈滿聖誕裝飾同聖誕主題既甜品，例如薑餅，朱古力木頭蛋糕，德式聖誕蛋糕，即甜麵包；仲有沙田著名既蜂蜜芝士蛋糕。最後，廚師示範「火焰雪山」表演，係蛋白霜上淋上冧酒同白蘭地，散發火焰之餘以散發酒香，中間係紅桑莓雪芭同雲呢拿雪糕，好好食呀！