陳通記

營業中

休息中

見到有post推介呢間，朋友最鍾意食沙牛麵話一定要落船就去試。黎到係lunchtime，都幾多人。我地叫左沙嗲鮮牛叮（$33+$5），等左都幾耐先上枱。沙嗲係平時串燒嗰種味，又濃又香，唔會太咸，好味😋😋牛肉份量幾多，又大片👍🏼👍🏼果然無介紹錯。蛋牛治烘底（$17）無留意烘底駛唔駛加錢。三文治味道正常。當然唔少得叫返杯凍奶茶，茶味夠，味道同普通茶餐廳差唔多，但太多冰，放左陣啲冰融左，杯奶茶變得好稀🙈環境好大排檔，可能要搭枱坐，有少少小昆蟲飛下飛下，但整體都企理嘅。