三公台灣料理 (已結業)

出開旺角行街，經過西洋菜南街近家樂坊嗰邊，抬頭見到呢間三公台灣料理 ！仲標榜係食溫體牛嘅𠻹！即刻諗都唔諗就上去睇睇個menu! 咁啱佢最近做緊2人岩漿沙嗲温體牛肉火鍋優惠， 20:30 後 原價 HK$368嘅二人火鍋套餐就會變成HK$288！每人另加$33 就可以升級任食牛肉！一見到「溫體牛」、「任食」、「台式火鍋」即刻就心心眼要試試佢實力！作為沙嗲牛迷嘅我哋，湯底就緊係揀返沙嗲湯！超香濃惹味嘅沙嗲湯配埋溫體牛肉！食落認真一絕呀！試咗台灣牛三角肉、牛頸脊同三筋肉，肉質鮮嫩，牛味極重！配埋本地大光麵就可以自制沙嗲牛麵火鍋喇！