傑志膳房

公司同石門有一定距離，天氣涼涼哋步行過去還可接受，而且同事阿陳生快將last day，佢提議去傑志，未食過去試吓先，相信為球員而做嘅餐單，似乎係無味精嘅味道，南瓜忌廉湯好飲得到佢嘅原味，不過唔係濃稠感嗰種。燒豬柳配蜜桃燒汁，雖說係燒，但肉嫩如慢煮，配甜甜蜜桃燒汁好夾，薯蓉偏甜味，唔似全薯仔，亦無加牛油嗰種跣滑口感，挺特別。甜品嘅焙茶雪糕，純素嘅關係，質感唔似雪糕，盡量想像焙茶味，但可惜只食到豆味。特濃咖啡梳打，無加任何甜味都好好飲。整餐雖飽但毫無負擔，而且食物俾到新鮮感，值得一試。