影片
更多
2015-04-05
3256 瀏覽
復活節幾日假期，留港消費，咁多日要食，總想有一日要食得豪食得盡。朋友介紹了朗廷酒店自助餐，因為有生蠔、波士頓龍蝦等海鮮係佢地至愛，令到我都想試試。我地6點鐘到了，剛剛開始食，一入門口就見到甜品擺設，外表好吸引，好想試。一開始先試了海鮮冷盤，有生蠔、波士頓龍蝦，有大有細、青口、海蝦、刺身等等。生蠔：可以入口，有些海水味，不算腥臭，可以食好多都得，不錯！龍蝦：肉質新鮮，沒有腥臭味，又食了好多！三文魚刺身：刺身新鮮有魚油，不過唔算太出色、吸引，出面好多壽司店仲好食！熱食唔係好吸引，好普通，選擇唔算多，相比其他酒店真係好唔掂，不過樣樣都試下。印度咖哩：個咖哩好香，好好味，香料味好重，有重慶級數。但可惜個印度飯得個樣，食落去好鬼硬，好唔想食。燉椰子雞湯：成盅燉製，原汁原味，頭一輪食個燉湯好鬼正，又足料，但第二盅就好多雞油，湯料都無咁多！龍蝦伊麵：個伊麵好正，好甜，吸收晒龍蝦汁。其他都不值得評論，因為太普通！蒸魚：熱食最好食就係蒸魚，蒸得剛剛好！甜品選擇好少，係有一個放滿cup cake的地方擺放好靚，個個都影相，一食甜品就想試下，但結果係中伏了，真係得個樣吸引，一叉起個蛋糕就散晒，好乾呀！食落去
復活節幾日假期，留港消費，咁多日要食，總想有一日要食得豪食得盡。朋友介紹了朗廷酒店自助餐，因為有生蠔、波士頓龍蝦等海鮮係佢地至愛，令到我都想試試。
我地6點鐘到了，剛剛開始食，一入門口就見到甜品擺設，外表好吸引，好想試。
一開始先試了海鮮冷盤，有生蠔、波士頓龍蝦，有大有細、青口、海蝦、刺身等等。
生蠔：可以入口，有些海水味，不算腥臭，可以食好多都得，不錯！
龍蝦：肉質新鮮，沒有腥臭味，又食了好多！
三文魚刺身：刺身新鮮有魚油，不過唔算太出色、吸引，出面好多壽司店仲好食！
熱食唔係好吸引，好普通，選擇唔算多，相比其他酒店真係好唔掂，不過樣樣都試下。
印度咖哩：個咖哩好香，好好味，香料味好重，有重慶級數。但可惜個印度飯得個樣，食落去好鬼硬，好唔想食。
燉椰子雞湯：成盅燉製，原汁原味，頭一輪食個燉湯好鬼正，又足料，但第二盅就好多雞油，湯料都無咁多！
龍蝦伊麵：個伊麵好正，好甜，吸收晒龍蝦汁。
其他都不值得評論，因為太普通！
蒸魚：熱食最好食就係蒸魚，蒸得剛剛好！
甜品選擇好少，係有一個放滿cup cake的地方擺放好靚，個個都影相，一食甜品就想試下，但結果係中伏了，真係得個樣吸引，一叉起個蛋糕就散晒，好乾呀！食落去仲衰，唔好食，我地都話嘉頓蛋糕仲好食過佢。
抹茶蛋卷：又係得個樣，個蛋糕又好乾身，完全唔好食。
忌廉蛋糕：外表已經唔好睇，個蛋糕又係乾身，蛋糕好失敗。
檸檬餅、芝士蛋糕：一般
朱古力蛋糕：西餅來講，這個最好食，朱古力味香濃，但唔食得多。
雪榚：應該係甜品之最，有雪榚球或雪榚筒食，有乳酪、焦糖、榛子、咖啡味，個人最喜愛咖啡味，味道香濃，狂食狂食。
整體而言，個人覺得海鮮冷盤可接受，其他真係好失望，甜品完全無心之作，自助餐沒有好食的甜品真係失色，雖然用了75折優惠，但價錢都要$500多，這個價錢，這個質素，唔比滴汁都唔得。😰😰😰😰😰
張貼
