The Food Gallery

香港朗廷酒店 The Food Gallery 自助餐👉和牛海鮮饗宴，舌尖上奢華盛宴😋.🍽️ 豪華自助晚餐朗廷酒店 The Food Gallery 今期推出「和牛海鮮饗宴」，將頂級食材玩到極致✨由即開生蠔到和牛威靈頓，每道菜都係師傅即場炮製，保證新鮮熱辣🔥🦞 海鮮狂熱者天堂1️⃣ 即開生蠔 & 蟹腳空運生蠔，海水味超鮮甜！蠔肉飽滿夠Creamy，滴少少檸汁已經好正～旁邊嘅阿拉斯加蟹腳啖啖肉，鮮味爆燈，識食一定狂掃！2️⃣ 波士頓活龍蝦（蒜香蔥油/芝士汁）🔥 重點推介！龍蝦鉗肉彈牙，蒜香蔥油版本香氣撲鼻，芝士汁濃郁到拉絲，仲有微微焦香，邪惡但忍唔住encore！3️⃣ 薑蔥炒蟹 vs 避風塘炒蟹🌶️ 港式風味對決！薑蔥炒蟹鑊氣十足，蟹肉吸盡醬汁精華；避風塘版就辣得過癮，蒜粒炸到金黃脆口，送啤酒一流！.🥩 和牛控尖叫專區4️⃣ 威靈頓和牛👑 鎮場之寶！酥皮焗到鬆化，入面粉紅色嘅和牛滑嫩，中間夾住蘑菇醬，層次豐富！5️⃣ 火炙海膽和牛壽司🍣 海膽嘅鮮甜同和牛油香完美融合，入口即溶！一件絕對唔夠喉！.6️⃣ 燒和牛肩胛肉眼芯💥 炭火香超誘人！外層微焦，內裡肉汁澎湃，蘸少少岩鹽已經係天堂級享受～.7️⃣ 酥炸和牛腩✨ 驚喜之作！外皮脆卜卜，咬落去和牛腩軟嫩帶膠質，沾泰式辣醬好開胃！🍤 亞洲風味熱盤8️⃣ 泰式咖喱大頭蝦🌿 咖喱椰香濃郁，蝦頭爆膏！麵包蘸汁食係隱藏食法～.9️⃣ 蒜蓉粉絲蒸扇貝🐚 粉絲吸盡扇貝鮮味，蒜蓉香而不嗆，粉絲控必mark！.🔟 黑椒腰果炒和牛粒🌶️ 鑊氣小炒！和牛粒juicy，腰果脆口，黑椒辛香好過癮～.🍰 甜品控終極戰場🍓 莓果專區▪️開心果紅桑子蛋糕：堅果香+莓果酸甜，蛋糕綿密鬆軟！▪️雜莓千層酥：酥皮輕脆，吉士醬唔會太甜，完美收尾～▪️64%朱古力杏桃蛋糕：濃郁可可中帶果香，朱古力迷必試！🌟 私心推介▪️鵝肝多士必搶！外脆內融，整體風味豐富，帶有優雅油脂感～▪️蠔仔粥 味道鮮甜，粥底綿滑，蠔仔鮮嫩肥美，入口即化，暖胃首選！▪️XO醬龍蝦炒飯 炒飯粒粒分明，入口鮮美濃郁，帶有海鮮鮮甜味！.💬和牛壽司同龍蝦真係無得輸😝甜品區竟然有即製法式班戟，仲有專人幫你淋朱古力醬🤟🏻大推生蠔新鮮度滿分🎊服務生收碟超快手，環境又高級！值得推介💗.香港朗廷酒店 The Food Gallery 📍地址：香港九龍尖沙咀北京道8號.#朗廷自助餐 #和牛海鮮放題 #尖沙咀美食 #香港打卡…查看更多

飲食平台常推出自助餐優惠，見到朗廷酒店Food Gallery有和牛海鮮饗宴自助晚餐，即刻訂座同朋友來聚聚。冰鎮海鮮有面包蟹，蟹膏濃郁軟滑；另有鮮甜多汁的鱈場蟹腳、龍蝦鉗、凍蝦、翡翠螺、蜆。還有我至愛的生蠔，這晚是澳洲Coffin bay，入口爽脆帶少許海水味，美味﹗至少要食半打呢﹗切肉區那邊有波士頓活龍蝦配蒜香蔥油及芝士汁，在等候期間，已經被那燒烤香所吸引，好滋味﹗旁邊有燒和牛肩胛肉眼芯，肉味香濃惹味。和風美食區有火炙海膽和牛壽司，入口甘香油潤，非常搶手；還有其他壽司及刺身如油甘魚、鯛魚、赤貝、帶子和冷蕎麥麵。和牛系列還有沙茶和牛片、厚切和牛批、酥炸牛腩，其他熱葷菜式有花雕辣酒煮花螺、XO醬龍蝦炒飯、越式炆豬肉、蒸紅鮋、炒時蔬、燒味等等。西式美食區，有羊架、煎盲曹柳、和牛膝蓋配薯蓉、法式家常紅酒燉雞、烤雞腿、意粉、薄餅、黑松露蝦多士等等，切合客人不同所需。自助晚餐有4段敲鐘時間，第一輪的限定美食是蟹腳茶碗蒸，滑溜香甜，超美味；接著是惹味的黑胡椒炒蟹、肥美鵝肝多士、威靈頓和牛，大家要留意住啦﹗中式點心都多選擇，有燒賣、粉果、馬拉糕、奶皇包。麵檔有星州喇沙，是偏向甜辣的味道。日式煮蜆，以豆腐粒昆布同煮，鮮甜美味。蠔仔粥也是必吃的，蠔仔粒粒飽滿。沙律區及芝士凍肉區款式齊全，每款一小件，正好可試多幾款。自助晚餐中不愁飲品，中湯是霸王花雪耳湯，滋陰潤肺，化痰止咳；還有一整排飲品櫃，如放題般任飲，這就是爽﹗不過我就喜歡放在甜品區的桃膠雪耳糖水，甜度剛好，女士們恩物。甜品區這邊確實每件都想試，特別推介開心果紅桑子蛋糕 、64％朱古力杏桃蛋糕 、千層蛋撻、黑芝麻巴斯克芝士蛋糕、士多蛋糕千層蛋糕、蔓越莓白酒啫喱、雜莓千層酥。Movenpick 雪糕，點齊8款口味，同朋友一齊分享。最後，還有多款水果、自助咖啡及茶。…查看更多

如果您喜歡海鮮又愛和牛又Like吃Buffet，那不用猶豫繼續看下去便對了！這天來到久違了的香港朗廷酒店 THE FOOD GALLERY，跟好友們嘆全新主題和牛海鮮饗宴自助晚餐。自助美食琳瑯滿目最吸引我當然是冰鎮海鮮區！這夜有雪場蟹腳、龍蝦鉗、麵包蟹、翡翠螺、紐西蘭青口及太平洋海蝦，款式夠多之餘更非常新鮮每樣都好吸引。還有自助餐迷最喜歡的即開生蠔！這天能夠品嚐到的是澳洲Coffin Bay生蠔。刺身專區供應著八爪魚、帆立貝、吞拿魚、油甘魚及三文魚刺身，另外還有我超喜歡的日式前菜。另外還有各式各樣的壽司、卷物及丼飯！最吸引的肯定是火炙海膽和牛壽司。來到中央的前菜及沙律區擺放了新鮮沙律菜及配料！另外還有多款現成沙律如魷魚沙律、香草番茄芝士沙律、火炙吞拿魚、華都夫沙律、挪威煙三文魚、蟹肉親子蛋沙律及烤南瓜配飛達芝士等。凍肉專區擺放了多款新鮮麵包、凍肉及芝士。自助餐其中一個焦點就是現煮蒜香蔥油芝士汁燒波士頓龍蝦，喜歡食龍蝦的朋友記得留肚吃多幾隻。和牛主題當然少不了燒和牛肩胛肉眼芯！配菜還有薯仔粒及烤雜菜也很不錯。再往前走還有很多異國風情的美食！包括有烤雞芝士意粉、和牛膝蓋配薯蓉、煎曼曹柳、法式家常紅酒燉雞、越式炆豬肉及經典厚切和牛批。繼續有生煎包、越式豬肉春卷、印度酥餅、薄餅、印度扁豆咖喱、咖喱雞、方魚肉碎蠔仔粥及日式煮蜆。燒味包括有豉油雞、蜜餞叉燒、燒鴨及紅腸。當晚的靚湯是霸王花雪耳湯另外還有酸辣湯可以選擇。粉麵檔非常澎湃擺滿了各式各樣的配料及粉麵，想實行粉麵自由絕非難事。另外自助餐會有現場即炒的美食供應，稍後會隨著鈴聲響起輪流出場。中式美食有蒸紅鮋、沙茶和牛片、蒜蓉炒時蔬、XO醬龍蝦炒飯、花雕辣酒煮東風螺及酥炸和牛腩，另外有數款點心供應包括奶皇包、馬拉糕、豬肉燒賣及香菇素粉卷。終於來到甜品打頭陣的是八款Movenpick雪糕，可以無限任食太開心了吧。然後還有雜莓千層酥、64%朱古力杏桃蛋糕、開心果紅桑子蛋糕、雲呢拿焦糖燉蛋、紅棗桂花糕、朱古力布朗尼、士多啤梨雲呢拿奶凍、蔓越莓白酒啫喱及香芒布甸。即製甜品站有法式可麗餅即叫即整熱辣辣非常吸引。然後還有桃膠雪耳糖水、千層蛋撻及黑莓餡餅。緊接著四款蛋糕包括是黑芝麻巴斯克起司蛋糕、藍莓芝士蛋糕、士多啤梨千層蛋糕及雜莓熱情果蛋糕最後還有新鮮水果。飲品方面有自助咖啡機、熱茶、牛奶及檸檬可以沖泡不同的飲品，另外還有大量紙包及罐裝飲品也可隨便暢飲。終於介紹完美食是時候到我的嘴巴好好享受喇！我吃自助餐第一碟必定是前菜沙律！清新的好味道可以幫助打開胃口迎接豐富的美食。刺身看得到非常新鮮吃下去也令嘴巴好享受！當中超喜歡原粒帆立貝和八爪魚，前者軟嫩香甜後者煙靭味鮮超可口。炙燒海膽和牛壽司成為了朋友的Target！聽聞牛肉味道香濃海膽又夠鮮味好有吸引力。冰鎮海鮮的蜆肉和青口也充滿海水味道，海蝦爽彈肉甜龍蝦鉗就鮮爽迷人，但數到最愛肯定是麵包蟹蓋內的蟹膏甘香可口超級好味道。來自澳洲的Coffin Bay生蠔雖然嬌小但非常飽滿！吃下去裙邊爽脆充滿海水鮮味實在吸引。自助餐進行途中會有四次限定美食推出！只要聽到鈴聲響起便可以取來享用，首先出場的是帝王蟹肉茶碗蒸，口感滑溜蛋香濃郁還有帝王蟹肉加持帶出鮮味。點心都好吸引如果你擁有中國胃的話就必定要試一試，而我就最喜歡香甜鬆軟的馬拉糕。這兒的豉油雞質素非常不俗！辣酒煮東風螺做得非常入味香辣迷人，蒜蓉炒芥蘭香口爽甜好吃得驚人，很想請教師傅如何烹調出這麼好吃的芥蘭。第二款鈴聲美食是避風塘炒蟹！見到師傅即時現場炒製香氣撲鼻，蟹肉鮮甜配搭惹味的避風塘製法味道絕了。自助餐其中一個焦點就是這客現煮蒜香蔥油芝士汁燒波士頓龍蝦！師傅見到客人需要才即時燒製保證新鮮，那個特製的芝士汁配搭蒜蓉和香蔥帶出了非常特別的火花鮮香惹味。來到第三款鈴聲美食就是威靈頓和牛！是牛魔王絕對不能錯過的限量美食，看到那和牛粉嫩的肉色好吸睛。喜歡澱粉質的朋友可以到粉麵檔製作獨一無二的美味粉麵！我選了喇沙湯底味道香甜不會過辣而且好香濃，是小朋友也能品嚐的味道。但我更加喜歡方魚肉碎蠔仔粥！粒粒肥美飽滿的珍珠蠔鮮味十足，加上充滿大地魚香的湯底這碗蠔仔粥質素非常不錯。最後一款限定美食就是邪惡的香煎鴨肝！毫不吝嗇厚切供應師傅加上黑醋令鴨肝吃得更加有滋味。鹹胃已經非常滿足是時候慰藉久候的甜胃了！先來一碟色彩繽紛澎湃的雪糕拼盤，跟朋友一起開心Share吃得更加開心，當中有我最愛的薄荷朱古力已經夠滿足了。蔓越莓白酒啫喱口感非常舒服酸酸甜甜的味道好誘人，另外我大推這個千層蛋撻，千層皮酥脆到一個點，內裏的流心蛋漿甜而不膩高水準之味。桃膠雪耳糖水是不能忘記品嚐的甜品！爽滑桃膠加上爽口雪耳配搭椰汁香氣吃得舒心。滿足到頂點的我最後要來杯熱檸檬茶解膩消滯呢。和牛海鮮饗宴晚市自助餐星期一至四成人收費$768/位、長者及小童(4-11歲)$488/位，星期五至日及公眾假期成人$828/位、長者及小童(4-11歲)$538/位，於酒店官網預訂付款可享高達65折優惠抵吃很多喔。…查看更多

闊別朗廷酒店The Food Gallery自助餐一段長時間, 今日再訪, 好有驚喜兼相當滿足!  「和牛海鮮饗宴」晚市自助餐於10月至11月供應, 重點主打威靈頓和牛、火炙海膽和牛壽司、燒和牛肩胛肉眼芯、波士頓活龍蝦等, 吃到我們捧腹回家. 一系列冰鎮海鮮例如雪場蟹腳、蝦、翡翠螺、蜆、麵包蟹, 也有澳洲 coffin bay生蠔, 細細隻但鮮味、爽脆、蠔味適中, 可以吃到好多隻~ (每人每次只可取兩隻, 想吃多, 就要多走幾轉啦~) 自製surf and turf, 燒和牛肩胛肉眼心配即燒波士頓活龍蝦, 龍蝦多膏, 肉質彈牙, 超推介! 就在燒龍蝦旁有個凍櫃, 入面所有飲品都是任飲, 包括酒類, 絕對是自助餐少見~火炙海膽和牛壽司、赤貝壽司是我囊中物!  和牛經火炙好香口, 而海膽又甜, 兩者配搭得宜.  壽司區域也有大受歡迎的蕎麥麵、迷你丼飯及各款刺身, 有帆立貝及八爪魚, 若有蝦就更好~ 新鮮蔬菜、沙律吧、預拌沙律、各類芝士及麵包, 一應俱全.當晚都有幾款和牛菜式, 例如經典厚切和牛批、和牛膝蓋配蒜蓉、脆炸和牛腩及沙茶和牛片, 絕對不容錯過~  尤其是脆炸和牛腩, 肥瘦度適中, 外脆內嫩. 中西式熱葷有法式家常紅酒燉雞、煎曼曹柳配芬老橙汁、原條蒸魚、XO醬龍蝦炒飯、越式炆豬肉等, refill得好快~花雕辣酒煮東風螺, 辣度剛好, 而螺肉不會太實/韌, 向來不會多吃此菜式的我, 不知不覺吃了半碗.眼見的菜式並非全部, 因為用餐期間, 大廚不時敲鐘推出特別菜式, 例如威靈頓和牛、鵝肝多士、避風塘炒蟹、蟹肉茶碗蒸. 鍋物例如日式煮蜆及蠔仔粥都大鑊好評~ 煮蜆有昆布豆腐做湯, 蜆肉爆水, 夠鮮甜; 而蠔仔粥的蠔肉也十分肥美. 霸王花雪耳湯好清熱滋潤, 適合秋天乾燥時節, 不妨多喝~ 想吃麵的話, 也有豬骨湯或喇沙湯選擇. 甜品區不算大, 但種類也達15款之多! 包括雜莓熱情果蛋糕、開心果紅桑子蛋糕、64%朱古力杏桃蛋糕、雲呢拿焦糖燉蛋等…當中我特別喜歡蔓越莓白酒啫喱、幼滑濃郁的黑芝麻巴斯克芝士蛋糕、滋陰養顏的桃膠雪耳糖水、香甜軟滑的士多啤梨千層蛋糕. 而這個千層蛋撻是超有驚喜! 蛋是動L 的, 好滑, 甜度適中, 撻皮夠香脆, 由於份量不少, 建議share就最好啦~ 8款Movenpick雪糕, 太難選擇, 一於全部都要! 薄荷朱古力、檸檬青檸雪葩、藍莓芝士蛋糕都是我首選.  吃了這麼多, 還是很想吃, 但肚皮快撐破…唯有沖杯熱檸茶解膩消滯. 然後再多吃一球薄荷朱古力雪糕, 完滿~…查看更多

有時約朋友食飯，自助餐都不失為好選擇，唔使等呢個收工就嗰個時間，更不用擔心誰不吃這樣那樣，大家先到先吃，喜歡食乜自己搞掂。今期朗廷做既和牛海鮮饗宴，肯定受歡迎，香港人對呢兩款美食好像是沒任何抗拒能力。出去兜個圈，凍海鮮區當然有齊鱈場蟹腳、凍蝦、翡翠螺等基本嘢，另外仲有好吸引既麵包蟹，爆多羔，我哋呢個年紀，只能拿一隻大家分享。家陣已愈來愈酒店有生蠔供應了，這裡就是小數，是夜吃到的，還要是我最喜歡的澳洲Coffin Bay ，夠晒鮮甜，讚！平時食自助餐，好有機會略過壽司刺身環節，但呢度就唔可以錯過，除了油甘、鲷魚、帶子等基本款刺身，重點是火炙和牛海膽壽司，一件唔夠喉，要再Encore才滿足。作為冷麵控既筆者，自然也不會放過佢既冷喬麥麵。去到熱食，最矚目的要數到即場烹調的燒波士頓活龍蝦了，師傅塗上蒜香蔥油及芝士汁，邊烤製邊以火槍燒香，肉嫩又香口。另外就是燒和牛肩胛肉眼芯，著師傅幫忙來片生一點的。一件牛肉，半邊波龍，實行自製Surf and turf。再看看中西熱葷。個人認為中式的比較吸引，當中特別要提及辣酒煮花螺，有夠入味，又唔會韌。酥炸和牛腩，不怕甩皮甩骨，外脆牛腩鬆化。沙茶和牛片是小時候的至愛；蒸紅鮋幾乎想原條拿回去獨食。還有中式點心，燒賣粉賣奶皇包，生煎包與及馬拉糕，岩晒我呢個中式胃。西式熱食其實款式不少，有羊架有海鱸魚同埋薄餅等，印度的咖喱及烤雞腿依然在列，仲有少意粉等，只是胃納實在太有限，無法一一品嚐。如果你一定要有粉麵到肚，呢度既麵檔可以幫到你，來碗星洲喇沙一解對東南亞的懷念之情。許多酒店自助餐都會有特備美食，聽到噹噹聆聲出去排隊就是。然而大部份都是每晚一至兩款，呢度就誇張了，全晚嚟足四次，幾乎是食完一款聆聲又響。聆聲首次響起，係帝皇蟹腳茶碗蒸，蒸蛋滑溜又足料，味道很不錯。第二輪的特備美食，係黑胡椒炒蟹，地道星洲風味，以酒店自助餐而言，呢個質素收貨有餘。剛剛才吮完惹味既胡椒蟹，又到下一輪，係威靈頓和牛，廢話唔使講太多，睇到個色水已經知道是好東西。飽到上心口，然而最後一轉的特備美食，係鵝肝多士，我又呢能唔排除呢? 如此厚身的鵝肝，在自助餐桌真是甚為少見。真的要跳到甜品環節了，否則必會獲利回吐。中式的桃膠，毫無疑問是女士至愛，有人甚至未吃咸食已先來一碗。千層蛋撻是我的心水，蛋皮鬆脆有層次，內餡盪漾，味道好。蛋糕都有唔少款式，雜莓千層酥好受歡迎，黑芝麻巴斯克芝士蛋糕濃郁又細滑，士多啤梨千層蛋糕層次豐富，皆是我喜歡的。最後食埋雪糕，飲杯熱檸茶消消滯，滿足滿足！…查看更多