蒲東小館 (九龍貿易中心)

營業中

休息中

新店一試，唯一可取是地方寬闊舒適，暫時新店人流唔多，坐得舒適傾偈好地方，但是食物味道及質素一般，最大問題是欠缺正宗上海風味，或者可以說是，多年來在香港上海小店食慣嘅一般味道，在此店欠奉。諗住佢哋有一間分店在油麻地經營多年，應該有保證安全，可是基本嘅上海小菜，味道是可以，溫度可以，就係總欠上海的味道。即是你當佢是一般廣東小菜就完全沒有問題。蟹粉當然價錢貴，但是出菜份量跟menu相片個兜，好似爭左幾個size，味道普通，顏色賣相唔吸引，鮮味欠奉。糯米釀雞翼味道尚可，Size細細隻。水煮魚，價錢不平，賣相靚，可惜味道非常非常一般，亦都不正宗，魚片數量少，薯粉用幼幼薯粉，真係食咗咁耐水煮魚都未試過，口感差，又唔能夠吸收汁既精華。