影片
更多
2025-04-17
18 瀏覽
佢本身下午有個一人餐去到下午17:00，我當時16:42開位，佢有個男職員走黎問我飲咩茶，我好快答佢飲咩，之後我就手機落單，果陣係16:44。之後16:51個阿姐先話冇章魚肉餅飯，叫我轉其他。咁我咪轉鳳爪排骨飯。到16:53又走黎話飯冇曬，轉其他，咁我咪轉粥囉。轉頭又話冇曬得牛肉腸粉。唔緊要，咁我咪轉食其他貴d既餐，當我睇緊$68既餐時，我問個阿姐你貴d既餐都係果d飯，咁係咪都冇？佢就答我有，即係我俾貴一倍價錢食相同既野，個阿姐答我：細碗我地賣曬，大碗就仲有，同埋大碗就多d飯，同埋多一粒蝦餃。都唔緊要，你依家即刻幫我落單我都算，果陣16:55。等到17:10佢籠蝦餃終於到，我咬左一啖，入面仲係生，我同個阿姐講佢即刻收咗我個碟同果籠生蝦餃。話重新蒸過一籠俾我，大佬呀，我返工食飯得一粒中咋，浪費我d時間。到17:20分佢終於兩樣野一齊到，我就問個阿姐，你話個細飯賣曬得大碗，點解我仲要等咁耐，佢答我：因為我地即叫即蒸，所以要等。咁我就問佢：咁即係你其實係可以蒸返細碗啦？佢就話：我地細碗係蒸定賣曬就冇，同埋已經過左17:00賣曬好正常。果下我火都黎同佢講：首先我係16:44落單，你個餐係去到1
最後我用10倍速度食完餐飯，因為得返10分鐘仲要食完行返去公司。
去到櫃檯俾錢果陣，諗住都算，最多以後唔食。個男職員同我講對單叫左兩個餐，我第二次著左🔥冇野呀，轉左個貴餐都算，仲要冇取消第一個餐，想收曬兩份。個男經理走黎完全解釋唔到話俾返張coupon我息事寧人，講多兩講話今餐唔收錢當係佢地唔啱。咩料呀？當我黎R著數呀？我話你照收返一人餐錢，好明顯係你地問題，我唔係黎食霸王餐，茶錢你照收呀，唔好收少一蚊。咁唔老實就算d點心幾好食都冇用啦。仲話俾coupon我，你慳返俾下條水魚啦😡😡😡😡😡😡😡😡😡😡😡😡本身呢間野有收服務費，完全冇服務可言，佢都唔夠膽收，不知所謂。其實你出一人餐都係想做附近返工既人生意啫，但都可咁唔老實，間野都唔係做生意🤬永久bad list所有分店
張貼
