劉森記麵家 (褔榮街)

營業中

休息中

以前去過舊舖食炸醬麵，都有一排無去喇，今次因為睇左蔡瀾介紹，所以專程同男朋友去新舖試下。 我嗰次喺舊舖食炸醬麵，真係一流，無鹼水。今次就試下食水餃麵，其實我本人麻麻鍾意食水餃，不過睇評語啲人話好食，於是咪試下囉。唔知係咪因為唔同師傅呢，碗麵有啲鹼水，唔似舊舖，不過啲麵都好彈牙，真不愧為竹昇麵。至於水餃，真係好食喎，夠新鮮，而且皮薄，又有蝦，好食過其它麵舖。我男朋友就食蝦籽撈麵，真係好多蝦籽嘅，不過我就覺得麻麻啫，我都係比較鍾意食炸醬麵多啲。下次行開呢頭，都係要食返炸醬麵先。整體嚟講都ok嘅，雖然要排隊，但好快就有位喇，而且招呼都好好。