水記

營業中

休息中

其實…我呢個星期一直都好想食奭腩，而我真係12:30一放Lunch已經衝去水記，而呢日已經係呢個星期第三次去，可惜，依然無得食奭腩…可能我既表情真係好失望，落單個位姐姐就叫我食牛沙瓜，真係無想過食牛沙瓜，所以從來無想過到底乜係牛沙瓜！不過既然三日都無爽腩，而我又未試過牛沙瓜，咁就抱住「人一世物一世，乜都試下！」既態度，叫左碗黎試。呢度既牛雜一向都洗得好乾淨，所以我都唔性怕係度亂試食！不過好鐘意有Plan B既我(其實係怕死)，為怕自己唔鐘意食，叫多份炸魚皮做back up~返到公司，即刻坐都未坐定已經夾舊牛瓜爽入口，嘩！原來係好爽口既~食完先即刻search到底乜係牛沙瓜，原來係牛四個胃其中一個！草肚、金錢肚、牛百頁呢三種胃都食過，但牛沙瓜真係第一次！唔知係因為師傳整得好好，定牛沙瓜真係好爽口，感覺上比其他三種牛胃好食，加上呢度清湯上，而我又叫米粉，所以一都唔油！所以細食既我，結果留番大半份炸魚皮做下午茶~~佢地既炸魚皮真係值得推介，炸得好香脆，但入口一d都唔油，炸漿仲要好薄，好香魚味！