黑門水產すいさん (棉登徑)

營業中

休息中

海膽蟹味噌甲羅燒($88)，這個甲羅燒加左鵪鶉蛋，所以燒熟後質感稀一d，食起上黎會滑一d，蟹膏味依家好濃烈，仲有蟹籽可增加口感。極上大漁貝燒($128)，用左幾種海鮮放上扇貝黎燒，帶子幾爽口，而蠔就算燒熟之後縮左少少水，但仍然係好飽滿肥美。蜜糖芥末火炙安格斯牛肉沙律($128)，用牛肉做沙律較少見，但配上醬汁之後確實好夾，甜甜辣辣既味道好醒胃。黑門令大漁魚子醬脆脆包($98)，賣相好靚好似一架船運載住海產，前中後不同海鮮有不同層次口感，海膽非常滑溜。黑門令鰻魚漢堡($88)，頂和底都有層鰻魚，食落好有啖啖肉既感覺，而且中間夾住一片紫蘇葉，有助去除一下油膩感，店家仲好細心諗到，用紫菜包住食，咁食既時候就冇咁易散晒。黑門三文魚加州反卷($128)，加州反卷最重要係三文魚要夠新鮮，食落有魚既油脂香。白桃雪葩($118)，不是每間居酒居都有提供雪葩，哩個甜品絕對不可錯過，桃味濃郁，好似食緊真桃一樣，而且夠晒冰凍，夏天簡直透心涼。