功德林上海素食 (北京道一號)

營業中

休息中

今次好友約晚飯，佢主動提出去食素菜，諗下諗下，横掂都成半年無食過，一於食餐清清地嘅晚餐先！我地一致通過去北京道一號-功德林。一路睇景，一路開餐，正！香樁拌豆腐將冰凍嘅豆腐配埋香樁，香口之餘又好清,幾開胃!南瓜蟹粉魚翅盅好濃嘅南瓜味，粗粒嘅南瓜再配上素翅，好彈牙,口感一流！味道好清甜!好橄欖菜炒秋葵用橄欖簡單地炒，再配上非常新鮮嘅秋葵,好清新可口。讚!油雞菌雜錦煲仔飯首先將少量嘅豉油放喺煲仔飯面搞混，嘩，好驚喜!珍珠米飯粒口感正,一粒一粒非常分明,再加上菇粒，真係正！糖醋松子黃魚做型好特别，以冬菇做魚頭魚尾！再用腐竹皮，芋頭做魚身，好！另外糖醋汁做得非常出色，激讚！總結:水準非常高嘅素菜食府,基本上五款菜式味道各有不同，好食！再加上職員服務非常好，呢一餐朋友同我都好滿意，仲定左每逢初一都過嚟開餐!