茹絲葵牛排餐廳

前幾個禮拜先去咗尖沙咀嗰間，今日嚟咗呢間，雖然係星期日lunch，不過都好容易book到位，環境同尖沙咀嗰間差唔多，都係傳統美式扒房，地方闊落，客唔多，所以又正又舒服，職員都好有禮貌，服務真係唔錯，好過好多而家嗰啲嘅大酒店。嗌左幾個頭盤share，價錢份量味道賣相都感覺舒服，shrimp cocktail 好大隻好爽，chop salad有好多唔同嘅料，好好味，見有小朋友，服務員仲特登問需唔需要將blue cheese放埋一邊，好細心，crab cake冇影到相，不過啖啖蟹肉，sizzling住咁上枱，嗌咗杯白酒襯返。上菜嘅速度都唔錯，唔會太快又唔會太耐。主菜有BBQ prawn、stuffed chicken breast和cowboy ribeye，配fire roast corn和French fry，蝦嘅份量好多，個汁好特別，好好味，雞胸其實差唔多有成隻春雞嘅份量，芝士餡料好香，雞肉都算嫰滑多汁，cowboy rib-eye上次喺尖沙咀都叫過，形狀size質素差唔多冇分別咁滯，Medium rare得啱啱好，上枱時熱辣辣，薯條夠脆，夠份量，粟米就冇roast嘅感覺，似係普通pa