餐牌上，有得揀多骨/少骨既魚類，再自己加配配料，另外有串燒、飲品添。
雖然餐廳主推草鯇魚，但驚多骨，所以揀魽魚。
尼個鋪頭既烤魚爐好有特色，用一個架直接送上。烤魚已經熟，直接可以食，用爐佐熱暖笠笠。
酸菜味湯底唔辣，但隨個人喜好可加辣。酸菜份量多到鋪滿成條魚，酸菜醃到好夠味，酸鹹。仲有芽菜、洋蔥得炒香成湯料。
魽魚肥美，肉厚，嫩滑。廚師將大魚開邊，夾起既肉每啖都冇骨。大魚香烤過，見到魚皮焦脆面，d魚肉連魚湯入味。
額外加點既鵝腸($48)一碟份量超多，處理得好乾淨。淥熟完，完全唔韌，好易咬好，同埋好爽口。
窩荀片($43)大大塊，入口甜，爽脆，而且吸哂湯底d味。
涼拌魚皮($68)比較少見，但味道一流。送上枱個陣好香芝麻香油味，魚皮超級超級爽脆彈牙feel，拌勻蔥薑絲，仲有青瓜條。唔係度度都有，必點。
餐廳除左有各款啤酒，仲有自家製涼茶。生津梨乾蘋果茶入口清甜，先係蘋果香味，後勁有甜梨味，人多叫1L抵飲。而天地一號既氣醋味，打邊爐岩哂。
整體，侍應服務有禮，環境乾淨舒服，食得自在。而且烤魚好有水準，單係個爐架，已經花心思有諗過。三五知己一齊食好惹味，食得辣就一定要試下辣底。
