影片
更多
2006-05-02
26 瀏覽
同男朋友睇完傢俬，已經九點鐘，由於今日仲係假期(1/5)，驚沙田新城市嗰邊人多要等位，又餓，所以嚟咗呢度食。 間鋪裝修過，"企理"過之前好多，不過D食物就非常、非常、非常咁普通，佢之所以做得住，完全因為佢夠平(以沙田區嚟講)。 講吓嘢食，去到嘅時候，好多經已賣晒，冇咩選擇。$18一碗牛雜麵，D雜係"un"嘅，要大力D咬，差！$17一碗墨丸米，墨丸有5粒，條氣順番D！$12一杯凍檸水，成杯都係碎冰，5、6啖已經飲完，我覺得佢好過去搶！$26一碟中式牛柳，其實唔係牛柳，係牛肉，仲係老牛，咬唔開，完全唔係大路嘅做法，激氣！ 食物唔掂，D伙計仲差，全部係度吹水唔願做嘢，仲俾我親眼見到有位水吧叔台，一邊吹水，一邊用抹布抹"腋下"，Oh! My God!真係唔衛生，噁．．． 有生之年，唔想幫襯第二次！
間鋪裝修過，"企理"過之前好多，不過D食物就非常、非常、非常咁普通，佢之所以做得住，完全因為佢夠平(以沙田區嚟講)。
講吓嘢食，去到嘅時候，好多經已賣晒，冇咩選擇。$18一碗牛雜麵，D雜係"un"嘅，要大力D咬，差！$17一碗墨丸米，墨丸有5粒，條氣順番D！$12一杯凍檸水，成杯都係碎冰，5、6啖已經飲完，我覺得佢好過去搶！$26一碟中式牛柳，其實唔係牛柳，係牛肉，仲係老牛，咬唔開，完全唔係大路嘅做法，激氣！
食物唔掂，D伙計仲差，全部係度吹水唔願做嘢，仲俾我親眼見到有位水吧叔台，一邊吹水，一邊用抹布抹"腋下"，Oh! My God!真係唔衛生，噁．．．
有生之年，唔想幫襯第二次！
張貼