德興美食坊

今天和老公來到沙田逛街，看見這間餐廳的小菜價錢十分便宜，於是便來到這裡吃晚餐，可惜食物味道相當一般。椒鹽骨：我從來沒吃過這麼難吃的椒鹽骨，首先它只是微暖，外皮一點也不香脆，味道更是鹹得嗆喉，每一口都相當「刺激味蕾｣，真的很難吃！沙爹粉絲牛肉煲：這道小菜都是相當重口味，不過勝在熱騰騰，粉絲很入味的，牛肉亦算嫩滑，但是味道都是很鹹，大家如果點這道菜記得叫餐廳少鹽。西蘭花蝦球：三款小菜中，比較正常便是這道菜式，蝦球都算爽口彈牙，西蘭花雖然炒得比較油膩，但是味道都算不錯的。小菜沒有跟白飯/飲品，但會送例湯，湯水是正常味道。價錢方面，椒鹽骨$52，沙爹粉絲牛肉煲$55，西蘭花蝦球$57。總結來說，這間餐廳的小菜真的很便宜，在香港即使是快餐店都很難找到這個價位的小菜，可惜味道真的相當一般。…查看更多

勝瓜雲耳炒鮮魷，我同老細講勝瓜有酸味，佢仲話我哋啲野好新鮮，會唔會係你食左另一碟中式牛柳引致酸味，佢仲話正常嚟講唔會換另一碟俾客，死都唔認碟餸有問題，仲同我嘈了很久，之後後我話算數最多唔食，不過要退錢，佢又話正常都唔會退錢，但今次退俾我，根本係自己啲餸有問題又唔認，仲要不停嘈人死撐，這間舖真是態度極差、所有食物都難食，這我不是我主觀問題，唔信各位可以親自去領教吓，不過就祝你好運😔…查看更多

豉椒火腩飯，簡直係一碗令人心動嘅美食！我最近喺一間餐廳試咗，真係唔使講，食完之後仲想再來多一碗。首先，火腩嘅質素非常好。佢外面嘅皮烤得脆脆的，咬下去嘅時候有一種爽口感，而裡面嘅肉質就好嫩滑，完全冇咩肥膩嘅感覺。每一口都充滿咗肉汁，實在令人滿足。而且，火腩嘅味道非常濃郁，醬汁滲透入肉裡，真係好惹味。再講講豉椒醬，佢既香又辣，啱啱好襯住火腩。唔會太過火，反而係增添咗一種層次感。對於喜歡辣味嘅朋友，呢個醬汁真係一個好選擇，食落去有一種微微嘅刺激感，但又唔會令你覺得受不了。飯方面，佢用嘅係白米飯，粒粒分明，吸咗火腩嘅醬汁之後，味道更加出色。每一口飯都好有滋味，感覺就好似喺食一碗幸福嘅湯飯。特別係嗰啲油脂同醬汁混合嘅時候，真係食到你唔想停。環境方面，餐廳嘅氣氛都幾好，服務員都幾友善，令我有一種賓至如歸嘅感覺。如果你同朋友一齊去，大家可以一齊分享，真係好開心！總括來講，豉椒火腩飯係一碗值得一試嘅美食，無論係味道、口感、還是份量，都讓我非常滿意。如果你仲未試過，快啲去食啦！一定會令你愛上呢個味道！…查看更多

態度差到一個點，每一位阿姐都係用 呼呼喝喝的態度對客人。香港飲食業唔好怪人點解要上深圳食嘢，檢討下自己點樣對客人。環境唔靚，仲要態度惡劣。食物也差。收銀黑口黑面，問多句都唔可以，問咗等放無答。去到攞嘢食，又被人大聲呼喝你過隔離攞飲品，企係到等好耐，阿姐又唔會沖比你，等你攞完碗麵行過去 後面阿哥先問你等乜，前面阿姐好無大聲話我話等0水，但又唔通知後面阿哥沖。2邊的阿姐不停用呼喝的熊度點你很來很去，仲要大聲鬧人。…查看更多

以前細個，去過唔少既港式餐廳，係先購票，後自己取餐的。是介乎快餐店同茶餐廳之間的一類型。到了今時今日，的確除了部份既工廠區飯堂，以這種模式經營的食肆，已經少之又少。但，在沙田的希爾頓中心，仍然存在一間以先購票，等叫 number ，再自己去水吧取餐，而且食物出品中西合壁的餐廳，《德興餐廳》。那天夜晚行完商場，就帶同兩個小朋友，體驗一下，讓他們了解，爸爸小時候喜歡拜訪既餐廳類型。每當有食物、飲品 ready，廚房就會嗌咪，小朋友就覺得非常之新奇。話好似唱歌咁。當我們點好餐後，拿了號碼牌，我就叫仔仔留意嗌咪，由他去負責去水吧捧餐。仔仔說，這兒似快餐店，但感覺上又似茶餐廳，佢感覺有點亂。然而，不一會，我們叫的三個餐也到齊了。而我們每人有一個例湯，是一個消暑的涼瓜豬骨湯。清清的，涼涼爽爽，是一個生津消暑的好湯水。那天，仔仔要了一份咖喱牛腩。一看就看得出，這是落了黃薑粉的港式咖喱。因為有牛腩同薯仔，所以在沒有過多的香料既襯托下也顯得香口。而且，有汁，以學生仔來說，撈飯食既絕佳物品。買給阿女的，是粟米石斑飯。同樣，是因為有汁而令女女胃口大開。甜甜的粟米及粟米汁，小朋友吃到這東西，不會不開心。再加上魚柳是脆脆的，魚肉是滑滑的。又甜又香又脆又多汁，盡顯了港式碟頭飯既風格。就算阿女堂食食唔晒，打包回家，隔天丁熱再食，依然是美味可口。我就來了一份鐵板牛扒。熱辣辣，肉香香，加了汁之後更突顯牛肉的美味道。之不過，鐵板絕對不及坊間幾家港式扒房的來得熱，淋上 Gravy 之後，並沒有出現強烈的 "渣渣" 聲。幸好，牛扒及薯菜都味道充足，好味道又夠淋。成份餐的確係好熱既，只係淋上汁之後，沒有出煙及起泡而已。飲品，是兩凍奶茶，一熱奶茶。我可以講給大家聽，三杯奶茶都非常之好飲。奶味充足，茶味香濃，我、阿仔同太太，都好滿意。好多時，就是在這些夠街坊，夠大眾化的平民餐廳，能找出令人滿意的香港味道。而這一餐的食物出品，算是夠滿意的了。一家人簡簡單單，吃得開心就是好。…查看更多

在收銀處點菜見收銀員冇反應，我再說一遍，佢就鬧我做乜講多一次等佢重覆入票。（同之前留言的食客有同感。）。去到拿餐處又是被員工喝令放下點餐票。未食已經一肚氣。雖然食物、環境和清潔度都可以，但尤其前線員工尤其收銀的態度極惡劣，唔會再去。…查看更多

本人因為看到有例湯，所有點套餐。在取餐時，店員才說賣完沒有湯，之後與收銀員說為什麼我點套餐的時候不說，她說賣完就沒有！之後我說找老闆反饋他們的服務態度，她回覆不要再煩，我給你一碗紙菜湯好了，感覺我是被行乞一樣，對香港現在的餐飲服務非常無語！…查看更多

傳統茶餐廳，小炒家常便飯，這裏最大特色的就是叫號碼也聽不清楚的傳統廣播，還有廚房摩打手，唔洗等很久！小菜兩樣都有水準。第一就是叉燒炒蛋、第二就是鮮魷双炒西蘭花，這個$50多塊的小炒來說絕對合格之餘有水準，在沙田吃過飯閑閑地都會三百幾這裏就是平民的餐廳。…查看更多

呢日同屋企喺沙田搵嘢食，本身諗住飲茶，但係搵唔到就近嘅茶樓，因為太肚餓唔想再行去第二度，見到呢間牛雜啱食就入去醫肚勁多選擇！無論粉面三文治，焗飯炒嘢、麻甩碟頭飯都有啱晒貪心嘅我哋因為太肚餓同埋好耐冇食牛雜，今次唔使又選擇困難，好快就揀咗牛雜粗麵！雖然呢度好多嘢譬如浸水拎嘢但都係志在認識，但係因為佢環境都舒適同埋設備齊全，有別一般茶餐廳嘅感覺（雖然佢係美食坊有少少唔同）🤣但係非常滿意佢嘅環境同埋服務，因為員工都好有禮貌同埋耐性！譬如我話牛雜上清湯多蔥，才又要清啲去到會同我做到又好禮貌大贊牛雜嘅師傅 $36一碗嘅牛雜非常足料！雖然冇牛蚌，但係有成四五片金錢肚三舊牛費，同埋一啲大腸仲有非常之大嚿嘅面🤣超級抵食！而且食落有新鮮嘅內臟，識落我同阿爸都勁滿足仲有加咗$8一碟嘅時菜，我哋揀咗芥蘭，如果唔係仲有菜心或者生菜揀，因為見到有人食緊芥蘭好大碟又好靚仔，所以我跟佢！師傅上湯煮俾我，好好味！啲芥蘭仲靚過我上次自己買嘅（因為我唔識買餸🤣）阿哥個芙蓉蛋飯我試咗一啖啫記得都幾好味，但係因為掛住好飢餓咁食自己嗰個，所以就冇細心品嚐，但係印象都係非常好，蛋嘅重心係滑滑的，又有好多蝦、叉燒、同埋蔥整體而言非常滿意，呢度好似嗌粉面比較抵食，因為差成$10 ，但係質素同份量都相若🤣今次試到呢個新選擇真係唔錯想再嚟！ CP值好高…查看更多

20211130到沙田逛街，7時多，很多食肆已排滿人龍，肚子又不太餓，亂逛亂撞之下到了德興美食坊，見不用排隊，又有卡位，就選擇在此晩餐到未有做功課的新餐廳，我都會輕食淺嚐，只簡單選擇了:一碗貢丸麵灑上蔥花，有四粒貢丸，一口咬下口感粉粉的，麵就水準以下，湯底較咸，有點味精，整體味道普通家人叫的牛扒餐牛扒鐵扒上、底部拌以蘭花和薯角，扒餐贈送例湯，味道就是淡而無味的例水，檸茶味道正常牛扒大大件，外面有點乾口感像用炸的方式做的牛扒，乾柴沒有肉汁西蘭花較硬，薯角加點茄汁倒是正正常常的味道。忘記了價錢，但應價是平價的選擇，但食物製作馬夫，濃濃的伏味，不會再到此用餐。離去時才記起，上水區有間同名，食物又是粗制濫造的德興，不知是否同一集團。…查看更多

🤬🤬🤬好後悔冇睇食評就入左去食因為時間所限 所以喺附近求其搵間茶記醫肚 點左個午餐 魚香茄子炒米 47蚊 加凍飲 2蚊催左2次 加埋等左差唔多半個鐘先整好話係散叫所以耐啲喎大佬 午餐都叫做散叫 午餐都要整咁耐如果唔係我話唔想等叫佢取消 我都唔知仲要等幾耐佢又唔係冇貨出 其他人遲過我叫乾炒牛河都出左啦 等到已經冇晒胃口碟野出到黎真係搞到冇晒食慾成pat野 冇咩料成碟加埋都有5條仔茄子嘅呢間野點解仲可以生存倒？不可一 不可再❌️❌️❌️…查看更多

Came roaming around Sha Tin , and found this restaurant in the old and dated Hilton Plaza . I saw that the food they serve are quite suitable for me, in reasonable prices , and the restaurant looked quite clean.I ordered a bowl of beef brisket rice noodles , and a plate of brisket sauce lettuce . I was quite unused to the method of eating here, but thanks to the other people eating and the staff , I received my food very quickly .The rice noodles were chewy and rich in rice flavour, which is quite my cup of tea . The beef brisket was marinated well, I could taste the spices and had a good colour , also a good balance of lean meat and fatty meat . The broth tasted like bak kut teh, which sounds weird but I actually quite like it.The lettuce on the top were quite bland , but on the bottom it tasted quite rich in beef brisket flavour . Overall, it was quite a good and decent meal, with good food in a reasonable price , and the restaurant was clean and neat . Service can improve, though .…查看更多

收银亞嬸態度超差，買咗飛问怎樣自取食物，佢用手指督枱面，叫你自己看，全程不回答肉絲炒面等咗半个小時，原因要等有冇客人都落肉絲炒面，才会一起炒，如果冇人落order,分分鐘要等一个鐘也說不定食物一般不評論，唯讚佢地的辣椒醬好味总结: 不会再來…查看更多

星期日嘅沙田真係超多人於是試咗呢間比較少人嘅茶記叫咗叉燒蛋飯佢個蛋係炒到液體就放落個飯度味道幾驚喜 煮法幾特別 推介試吓同埋焗豬扒飯呢個就冇特別味道同普遍茶記差唔多…查看更多

餐廳職員態度極差，小心中伏。在門口排隊，收銀員又冇表情，入到去入面自己搵位坐，之後去交單比水吧，但唔知邊一面是交單處，問完就叫你求其放低張單就得，等咗十五分鐘都未有食物給我們自取，攞食物嘅位置又混亂，茶冇茶味，多士炕底係凍嘅又硬，西多冇味又唔好食，雞翼過火，煮西餐阿姐完全不友善回答客人提問，一行埋去就見佢啲態度就起晒鋼，好似想食咗你咁，所以入到去好似如臨大敵咁，極差，完全唔會推介比其他人，總之預著間極差的餐廳。…查看更多