影片
更多
2021-12-17
451 瀏覽
適逢Halloween 呢個要去老蘭行一轉嘅日子，肥西有個成唔都記得自己book咗位食飯嘅朋友🌚於是再一次被召喚去做臨時飯腳，去試試呢間位於大館嘅新派中菜~🥢𝗛𝗲𝗻𝗻𝗲𝘀𝘀𝘆 𝗧𝗮𝘀𝘁𝗶𝗻𝗴 𝗠𝗲𝗻𝘂 ($𝟳𝟴𝟴/𝗽𝗲𝗿𝘀𝗼𝗻)🥢👅French 75 Cocktail (7.2/10)Hennessy V.S.O.P, sparkling wine, lemon好smooth 嘅一杯whisky，加埋檸檬同碳酸，如果甜度再低啲就更啱做開胃酒😗👅凍鹵原隻鮮鮑配燒椒皮蛋多士咸蛋黃醬 (8.5/10)全晚最鍾意係呢個凍盤🖤彈牙爽口嘅鮑魚微辣入味。薄脆嘅多士夾住皮蛋蓉，冇諗過係幾好食嘅combination🤨不過冇乜皮蛋嘅口感同腥味，咀嚼到最後仲會嘗到微甜，咸蛋黃醬似裝飾多啲😌👅蒸點 （7.5/10）星斑魚餃皮薄餡鮮，魚肉嫩口，蔬菜內餡爽脆，正常發揮。黑松露蝦餃就濃味啲，蝦肉多汁彈牙，配上淡淡嘅黑松露味，唔會出錯👌🏼餃皮煙韌，美中不足就係厚咗些少～👅腿蓉素燕烏雞露 (7/10)望落清淡，但食落口充滿火腿嘅鹹香，撞落綿滑嘅烏雞露，肥西自己覺得效果一般，素燕份量頗多，為呢道菜加返些少口感。👅龍蝦油
適逢Halloween 呢個要去老蘭行一轉嘅日子，肥西有個成唔都記得自己book咗位食飯嘅朋友🌚於是再一次被召喚去做臨時飯腳，去試試呢間位於大館嘅新派中菜~
🥢𝗛𝗲𝗻𝗻𝗲𝘀𝘀𝘆 𝗧𝗮𝘀𝘁𝗶𝗻𝗴 𝗠𝗲𝗻𝘂 ($𝟳𝟴𝟴/𝗽𝗲𝗿𝘀𝗼𝗻)🥢
👅French 75 Cocktail (7.2/10)
Hennessy V.S.O.P, sparkling wine, lemon
好smooth 嘅一杯whisky，加埋檸檬同碳酸，如果甜度再低啲就更啱做開胃酒😗
👅凍鹵原隻鮮鮑配燒椒皮蛋多士咸蛋黃醬 (8.5/10)
全晚最鍾意係呢個凍盤🖤彈牙爽口嘅鮑魚微辣入味。薄脆嘅多士夾住皮蛋蓉，冇諗過係幾好食嘅combination🤨不過冇乜皮蛋嘅口感同腥味，咀嚼到最後仲會嘗到微甜，咸蛋黃醬似裝飾多啲😌
👅蒸點 （7.5/10）
星斑魚餃皮薄餡鮮，魚肉嫩口，蔬菜內餡爽脆，正常發揮。黑松露蝦餃就濃味啲，蝦肉多汁彈牙，配上淡淡嘅黑松露味，唔會出錯👌🏼餃皮煙韌，美中不足就係厚咗些少～
👅腿蓉素燕烏雞露 (7/10)
望落清淡，但食落口充滿火腿嘅鹹香，撞落綿滑嘅烏雞露，肥西自己覺得效果一般，素燕份量頗多，為呢道菜加返些少口感。
👅龍蝦油珍珠蛋白龍蝦 (8.3/10)
好吃！一粒粒大小不一但嫩滑可口嘅珍珠蛋白，圍住中間晶瑩通透嘅彈牙龍蝦球，再mix 埋紅潤嘅龍蝦油吊一吊味，成件事就係啱啱好可以taste到唔同食材嘅鮮味🌞
👅禪衣和牛肋 (8/10)
煮得軟淋嘅和牛肋，表面裹上一層酥脆唔油膩嘅天婦羅炸衣，底部就浸係濃稠嘅牛肉汁到，一刀切開放入口辣親條西脷🥵心機嚟講畀滿分💯無可否認係一道處理得十分出色嘅菜式，只係個人麻麻地個特濃醬汁同脆淋相接嘅口感～
👅小象拔清湯泡白玉 （8.2/10）
呢碗湯望落平平無奇，但完美咁消除咗上一道濃味菜留係口腔入面嘅餘韻。中間嘅冬瓜入口即融咁濟，完全冇渣👍🏻同爽脆嘅小象拔同豆莢粒粒一齊放入口，清甜得嚟又有啲咬口，本身以為啲白色波波係普通薏米，點知勁煙韌，surprise 咗一秒😗
👅鍾水餃 (7.2/10)
餃子皮正，薄身得嚟有嚼勁，包住飽滿嘅肉餡同爽脆嘅蔬菜粒，再mix 埋香辣嘅辣椒油，好食嘅。但放係呢個接近八百蚊嘅tasting menu入面，作為最後一道鹹食，似乎就比較失色😌
👅白冰馬蹄露 紅妝雪梅娘 (7.5/10)
涼浸浸滑捋捋嘅冰粉有爽口嘅馬蹄粒增加口感，味道淡雅。雪梅娘creamy嘅餡入面暗藏芒果粒，中和返無咁膩。
__________________________
間嘢裝修好decent，樓底高，空間感足，sofa位都坐得好舒服，朋友一句總括：溝女一流（不代表本台意見）😌食物唔差但未去到impressive，服務係同水準餐廳嚟講合格嘅👍🏻由家庭聚餐到semi-formal meeting到約會嚟講都適合嘅一間中價位餐廳。
味道：7.9/10
環境：9/10
服務：8/10
性價比：7/10
French 75 cocktail
5 瀏覽
0 讚好
0 留言
凍鹵原隻鮮鮑配燒椒皮蛋多士咸蛋黃醬
7 瀏覽
0 讚好
0 留言
蒸點
8 瀏覽
0 讚好
0 留言
腿蓉素燕烏雞露
8 瀏覽
0 讚好
0 留言
龍蝦油珍珠蛋白龍蝦
11 瀏覽
0 讚好
0 留言
禪衣和牛肋
5 瀏覽
0 讚好
0 留言
小象拔清湯泡白玉
9 瀏覽
0 讚好
0 留言
鍾水餃
6 瀏覽
0 讚好
0 留言
白冰馬蹄露 紅妝雪梅娘
8 瀏覽
0 讚好
0 留言
張貼
