The Pearl

Rosy Romance帶少少果味嘅Cocktail，酒味唔會太濃，唔係特別鍾意飲酒嘅我都覺得好好飲🤣無花果帕馬火腿沙律擺上枱嗰陣有少少嚇親，份量勁大碟，蜜瓜🍈好大嚿，新鮮蔬菜加埋巴馬臣芝士，冧埋橄欖油，好開胃🤤吞拿魚牛油果泡沫他他表面幼滑嘅泡沫係牛油果打成，吞拿魚又有口感又新鮮，配埋羅勒葉香味，作為前菜真係一流👍🏻和風醬油大蝦煙肉扁意粉啲蝦🍤大大隻，同意粉一樣好彈牙，加埋日本醬油味道好香濃，食落有少少大阪燒嘅味道。香煎牛封門柳好濃嘅牛味，唔會好難咬開，本身已經有黑椒調味，加埋餐廳自製嘅青醬，好入味😋薯蓉都好滑同牛柳好夾