龍亭

今晚同我最親愛嘅老公拍拖 接完老公放工之後 今日就得訂咗鐵板燒 同老公食鐵板燒 呢一間隱世鐵板燒店近地鐵站 地方細細但係坐得好舒服 我哋就揀咗坐bar table 今日就點咗一個晚市套餐前菜三文魚沙律 用醋打成嘅泡泡 酸酸甜甜好開胃 感覺高級之後有鐵板海鮮兩品 有台灣鮑魚大蝦 同埋煎魚柳 鐵板肉類兩品熊本縣A5級和牛煎到好香 一啲都唔韌 宮崎縣厚切黑豚扒豬肉味濃鬱 一啲肥肉都冇 炒飯廚師好用心機咁加上蔬菜 裏面有黑松露 我同老公都食得好開心 最後係日式嘅甜品 有芋頭雪糕同埋日式柚子sorbet