酒屋一杯喜

營業中

休息中

其實天后都有好多隱世特色餐廳，今次就去左【酒屋一杯喜】試下佢地既晚餐啦。日式居酒屋當然坐bar臺最有feel。自家製玉子燒串：玉子燒厚身軟嫩，蛋香濃郁，爆蔥吞拿魚蓉加左滿滿嘅吞拿魚蓉、蔥花提鮮，另外芝士燒到溶化，一啖咬落去超滿足！刺身沙律：新鮮刺身包括三文魚、吞拿魚、八爪魚等、滿沙律菜，配醋汁，清新開胃。刺身厚切夠鮮甜，蔬菜爽脆。野菜天婦羅 + 天婦羅蝦：炸漿薄脆唔油膩，野菜包括南瓜、茄子、番薯、金菇等，保持原味清甜。天婦羅蝦超大隻，蝦肉彈牙，點埋天汁同蘿蔔蓉，風味更突出！沙甸魚乾：幾特別，第一次食，好多條沙甸魚整做一餅、之後燒到金黃香脆，魚乾味道鹹香。火炙煙熏蠔手卷：蠔肉肥美，火炙後帶煙熏香氣，包住暖飯同紫菜，海苔脆口，一啖食落去鮮味爆棚！上面再加上鮮甜海膽，非常滿足。牛の壽喜燒：牛肉片嫩滑，吸滿壽喜燒醬汁嘅甜香，配埋豆腐、野菜同粉絲，湯底濃郁得嚟唔會過鹹。柚子鹽味叉燒拉麵：湯底清澈帶柚子清香，鹽味調和得剛好，叉燒軟嫩，麵條幼細掛湯。柚子皮碎增添香氣，整體清爽唔膩，夏天食最啱！