海底撈火鍋 (將軍澳中心)

營業中

休息中

尋晚一行八人預先book咗海底撈7:30食晚飯，準時到達之後服務員安排我哋就座。座位寬敞舒服，食物老實講雖然唔係特別出眾，但係嗰個氣氛非常之好。因同行屋企人就生日，餐廳送左小禮物🎁、加上座位旁亦有生日牌比你打卡。最高興莫過於waiter 會一齊去你個位度同生日者唱生日歌、表演🎤，拉手工拉麵嗰個亦都好正🙌，氣氛非常濃厚.。八個人大概食咗二千零蚊，平均都係$250/個，老實講相對算係幾抵食。雖然講明時限係兩個鐘，但係當日唔係太多客，佢亦都冇限制你到底要坐到幾點鐘就走。所以下次一定會再嚟。