海底撈火鍋 (將軍澳中心)

海底撈對我嚟講，係一間好正嘅火鍋，正在係可以自己調配個湯底。4格嘅湯底我淨係一揀一個湯，三個清水。其他三個就跟網上嘅教學而自己調。例如整壽喜鍋湯底，就去調味區攞海鮮味醬4湯匙、陳醋1湯匙、蠔油2湯匙、適量鹽、白糖4包及芹菜1湯匙，再倒回清水鍋，又或者整泰式冬陰功鍋湯底，可以加海鮮味醬1湯匙、芝麻油2湯匙、蠔油2湯匙、芹菜2湯匙、香菜1湯匙、蔥花1湯匙、蒜泥2湯匙、小米辣1湯匙、白糖1包及檸檬3片，玩自製湯底已經夠好玩。撈派脆脆毛肚係必點！爽脆加上自己調製嘅湯底簡直冇得頂；另外一個必點係佢自家嘅大麥拉格啤酒，麥味濃郁，配合個火鍋一齊食完全係perfect。唔知以為係任食！…查看更多

唉，免費做嘅美甲仲有10幾個人排緊隊都等唔到，食完飯都等唔到，最終放棄了。有個地方可以自製p i n好似幾得意，但係職員完全冇理過我，點解大陸嘅服務咁好？香港咁差？但是菜品都OK。…查看更多

•鍋底點了番茄和豬肚雞的四宮格，飲料點了金桔飲。•小菜（海帶絲、蘿蔔幹、豆幹毛豆胡蘿蔔）好好吃，我吃了兩盤，蜜瓜也還可以。•最後有糯米糍雪糕和薄荷糖，我連吃帶拿了一波。•門口有鍋巴和脆脆角，我走的時候又連吃帶拿了幾包。•吃飽喝足很開心🌟羊肉卷（半份）🌟手切牛肉（半份）（不適合一個人吃）🌟竹蓀（半份）🌟土豆（半份）🌟脆脆拼盤（鴨腸/黃喉/毛肚/千層肚）（一般般）…查看更多

之前嚟過，見到啲人喺度搞生日🎂好有氣氛唱哂歌佈置晒，職員又會跳舞。咁所以今次我哋就膽粗粗試吓真係喺度生日食餐晚飯會係點？🤣😂果然冇令我哋失望，佈置得相當到位，而且仲有一大包禮物送俾你。小朋友除咗有玩具收之外，仲送咗碟炸煎堆俾我哋食。門口仲有手鏈可以整，都係免費！重頭戲，就係職員拎晒粉絲燈，喺你面前狂歡跳舞💃🏻🕺🏻歌曲包括有A P T ，傻Hi Hi….將全場氣氛推到最高！好正🙌食物方面，推介:牛肉&芋頭，好好食，師傅出嚟拉嗰個面都好食！…查看更多

食左呢間海底撈兩次其實一直覺得海底撈食物品質一般，勝在有服務，選擇都夠多湯底可以最多嗌四宮格係特色除左固定既麻辣火鍋同番茄鍋，今次試左清遠雞湯鍋，跟一小碟雞肉，我覺得一般般，湯底味道很清淡都係麻辣鍋同番茄鍋最好肉的品質正常，食物可以揀一份同半份，呢點好好嗌左幾樣內地比較特色既菜，例如貢菜，筍，黃喉，全部ok好食的自助料台除左有調料還有兩款糖水/粥品最後會送雪米糍，上次有送零食今次就無當日撞正海底撈週年，有大蛋糕切，可惜食太飽就無食到總體而言都ok的，總有幾間餐廳未到好好食，但聚餐時總會食最可惜係點解呢間海底撈無大陸有既鮮鴨血:(…查看更多

尋晚一行八人預先book咗海底撈7:30食晚飯，準時到達之後服務員安排我哋就座。座位寬敞舒服，食物老實講雖然唔係特別出眾，但係嗰個氣氛非常之好。因同行屋企人就生日，餐廳送左小禮物🎁、加上座位旁亦有生日牌比你打卡。最高興莫過於waiter 會一齊去你個位度同生日者唱生日歌、表演🎤，拉手工拉麵嗰個亦都好正🙌，氣氛非常濃厚.。八個人大概食咗二千零蚊，平均都係$250/個，老實講相對算係幾抵食。雖然講明時限係兩個鐘，但係當日唔係太多客，佢亦都冇限制你到底要坐到幾點鐘就走。所以下次一定會再嚟。…查看更多

今日同屋企人好突然咁食海底撈，坦白講食材方面雖然唔係嗰啲咩頂尖嘅食材，但係埋單三個人食咗六百零蚊其實真係唔算太貴，而且仲可以無啦啦走咗去整指甲唔使錢，然後仲要送小禮物俾老人家氹到老人家咁開心，其實食餐飯啫，最緊要大家都過得開心。特別想多謝一個來自潮汕嘅小姐姐，喺我哋第一次嚟冇經驗嘅情況下好殷勤嘅服務同埋成日幫我哋個火鍋片走啲油，真係感受到佢係用心出嚟服務。P.S: 如果平日夜晚同一位65歲以上嘅老人食海底撈可以有八折…查看更多

星期日6pm唔洗等位，同朋友黎興祝生日，係度食蛋糕唔洗切餅費，生日個個有小零食同相架送，仲有人唱歌跳舞比你睇，成個氣氛係幾好，大人小朋友都岩。職員都貼心 服務都很不錯，愉快的經歷😆…查看更多

本人都係第一次幫襯海底撈打邊爐，感覺非常好，招呼貼心！最感動係為我呢班素食者有選擇，開心打邊爐，真的非常感謝🙏最值得欣賞係食物有半分選擇！冷氣都充足，一路打邊爐一路又夠冷氣👍服務員亦值得讚賞，招呼非常貼心。真心覺得佢哋真係做得好好，我會繼續支持👍👍…查看更多

今日去食海底撈順便做美甲，一入到枱店員就話叫我坐62號枱，我立即叫佢幫我book美甲，一切都順利完成，我就放心食嘢，因為就算聽唔到電話，之前美甲師都會識得嚟張枱搵個客做美甲，所以我非常之放心。誰不知道輪到我嘅時候，我個電話太細聲，聽唔到，見到有個message寫住我三次唔到，所以取消咗我個Booking，我馬上走出去搵個美甲師，佢話俾我做埋個妹妹之後到我，但係個妹妹原來佢話佢仲有阿媽同阿妹要做，即是我要三個人之後再輪到我，跟住個美甲師話你入去搵店員重新book過啦，我心諗我等咗兩個鐘頭，而家重新book過咪即是我又要再等多兩個鐘頭，咁你唔搵我係你嘅責任喎。之後我就氣沖沖咁返埋位，叫店員book美甲，跟住我就話點解你個美甲師唔嚟搵我，跟住佢就話因為你book美甲嘅時候冇落枱號，我話係你哋店員幫我book過喎，跟住佢就講第二啲嘢避開話題，話而家立即安排我插隊。做完美甲之後，我就返埋個位，我話你哋教我book整美甲啦，既然你啲店員咁廢，都唔識得幫客人book美甲，跟住佢哋就話唔係佢哋廢，而係個電腦有問題喎，總之就一個大話冚一個大話，美甲師冇錯，店員冇錯，最錯就係部電腦，咁即是謊話連篇，無句真。所以奉勸各位，如果去到呢間舖頭做美甲，記得要自己book，如果唔係真係一肚氣棧激死你。…查看更多

之前食過深圳福田既海底撈，諗住再食返香港版海底撈以前食開和牛既質素都唔太肥，今日上已和牛仲有脂肪邊和牛本身已經夠肥，仲要有脂肪邊跟住同服務員講左，先入廚房去走邊位去完邊出黎靚仔晒不過口感唔算入口即溶雖然滾完大縮水，不過不失啦Set餐幾抵食，一個主食一個配菜+麵食配餐既配菜練奶炸饅頭，唔錯純粹回憶小時候味道是日消費，雖然深圳服務好價錢平野食選擇多，不過放假都係想留港消費，睇得出依間明顯人小左人食，以前食過都排晒隊。…查看更多

內地最出名兼最大規模的火鍋連鎖集團【海底撈】進軍香港巿場已超過六年，一直未有機會品嚐，講起上來都有點落伍！六年前在香港開業的第一間分店將內地各店的經營模式搬過來香港，雖然只是一少部份，但店子的優質貼心服務，以及各種古靈精怪、估佢唔到嘅附送福利，已經足以令到香港人趨之若鶩，馬上成為長龍排隊店之一，亦成功維持高人氣一段長時間。將軍澳嘅分店秉承香港其他分店嘅風格，門口嘅設計感覺有點「娘」，尤其是那些指示牌，同國內大眾化平民餐廳的裝修風格很相似。門口旁邊劃設美甲專區 - 正是【海底撈】的附送福利之一；雖然同飲食業九唔搭八，但偏偏很受女士們歡迎 ⋯⋯ 反正要等位，一次過排隊等美甲，有得食、又可以扮靚！最抵讚係願意劃設等位專區，另一貼心服務！內裏裝修似快餐店同茶餐廳的混合體，但就較為整潔及光猛，配合【海底撈】的大眾化火鍋餐廳定位。細心留意一下，會發現某些固定設備上的標示牌用了簡體字，相信係國內分店嘅同一組設備。如果點拉麵會有真人表演。客人中有人生日嘅話，員工又會舉燈牌同埋唱生日歌 ⋯⋯ 係好古怪、又有啲柴娃娃嘅感覺；鍾唔鍾意？接唔接受？見仁見智。除咗午市套餐之外（星期一至日全天候供應），完全放棄實體點餐紙，只可以用iPad點火鍋料 ⋯⋯ 用iPad喎！高成本！自助火鍋醬料區（$9 / 位）的款式超過20款，真係諗得到嘅都有齊；又有七款味碟搭配說明，對於有選擇困難症的客人好大幫助。另外，吃完火鍋，還有免費水果；有切片橙、蜜瓜及小黃瓜任由食客享用。四格火鍋底料每格可以選擇不同湯底，逐格計算；最適合四個坐卡座的朋友一齊食飯，各取所需。今次揀了兩格：清油麻辣（$34）及大骨湯（$34），另外兩格揀清水（$0），慳返啲錢。午市手切小牛排套餐（$148）包括蔬菜拼盤及主食一份，蔬菜拼盤也有五款選擇；但就不包括火鍋底料。小牛排切成窄長條外形，略厚；肉質軟腍，由於較厚身，咬下去有咀嚼口感。美國特選肥牛(半份)($94) 係薄切手法，只得五至六片。牛肉質素幾好，有少許均勻脂肪紋理、又沒有筋膜。比起手切小牛排更軟滑，但肉的口感就及不上小牛排；兩款牛肉各有特色。豬腰片(半份)($44) 切得又薄又大片。侍應專程送上一碟混合了芝麻粒、花椒粉及辣椒粉的味碟，史明配搭豬腰或鴨血食用。有麻辣火鍋湯底，怎能缺少四川麻辣火鍋必吃的鴨血。有兩款口味選擇：生鴨血或者熟鴨血，揀了熟鴨血(半份)($26)，貪其切成一片片，方便燙烚。沾了少許調味粉，又麻又辣又有芝麻香，果然與爽滑煙靭的鴨血很匹配。羊排卷(半份)($69) 肉質幾好，夠軟滑、唔粗嚡，稍嫌羊味唔夠突出；不及兩款牛肉美味。Q彈勁道牛肉丸(半份)($39) 係急凍貨，賣相唔吸引，似係街市凍肉枱出品。很彈牙，牛味一般。【海底撈】的火鍋配料偏向大眾化口味，沒有什麼日本和牛、或者貴價手切本地黃牛肉，亦沒有貴價海鮮；以抵食、服務質素及古靈精怪的附加服務取勝。味道合格，但真係有特色；未幫襯過的話，無論如何都要試一次。…查看更多

海底撈火鍋在香港餐飲業中的成功來自於優質食物和卓越服務。他們以提供新鮮食材為基礎，建立穩定供應鏈，確保食材的新鮮度和品質。多樣的食材選擇讓顧客能根據自己的喜好定制火鍋口味。獨特的調味料和自製醬料增加了消費者的滿意度。例如是羊肉和生鴨血正正表達到這一點。海底撈火鍋在服務方面注重熱情友好的態度。他們熱情地迎接顧客並提供協助，讓顧客感到受到重視和尊重。同時，他們關注細節，確保用餐環境整潔，食材供應充足，鍋底湯底溫度適宜。這種細心的服務讓顧客感到放心。侍應還會很細心地幫忙剝蝦，而且是逐隻逐隻剝，這也是很好的表現着。此外，海底撈火鍋還融入娛樂元素，如撥弄電子屏幕點菜和猜拳遊戲等。這些娛樂設施增加了用餐的樂趣，讓顧客感到愉快和輕鬆。大量的隱藏菜式也令餐廳點餐時的娛樂性更豐富，例如是在響鈴內包上肥牛和蝦餃，味道和口感真的很有趣。總結來說，海底撈火鍋的成功來自於優質食物和卓越服務。他們提供新鮮、多樣化的食材選擇，搭配獨特的調味料，讓顧客滿足個人口味需求。熱情友好的服務態度和關注細節的服務讓顧客感到受到重視。娛樂元素則增加了用餐的樂趣。這些成功因素使得海底撈能夠在香港的餐飲業及火鍋界，有一個獨特的存在。…查看更多

孩子今個月生日 所以訂左位慶祝一入到去已經有生日怖置很多生日牌小朋友一見到已經好開心之後一坐下 員工就同小朋友講生日快樂同送上禮物有個專放生日禮物的紙袋 很大個除了禮物 入面仲有好多零食我們叫了2個午市套餐很喜歡蔬菜拼盤中的魚蛋可惜只能午餐套餐叫 沒有單點食完有一大班員工幫小朋友唱生日歌小朋友很快樂很興奮實在是個慶生好地方…查看更多

𝟚𝟘𝟚𝟛𝟙𝟚𝟚𝟝適合打邊爐的日子。這餐廳有無糖豆漿和無添加調味料的湯底，我覺得比較健康。四川涼拌很好吃。欣賞店員服務態度好和努力工作。有美甲和拉麵表演，娛樂十足。如果有變臉表演更好。另外，職員會唱生日歌慶祝顧客生日。…查看更多