灣景廳

由于我噙日要專誠到灣仔會展領取渣打紀念鈔, 所以早幾日已經上網, 查下附近有乜野好食, 以便辛辛苦苦排完隊之後, 可以歎返下。結果係網上查到最近會展, 又最平既自助午餐, 就係呢間 "灣景廳", 雖然 open rice o既食平好壞參半, 但因為價錢實在吸引, 所以都照訂位。噙日出發到會展, 比想像中少人, 而且效率奇快, 不到一小時, 已經攞左我心愛o既紀念鈔走人, 所以原定 12:00 開始既自助午餐, 我地 11:45 已到達, 好彩可以早 D 入去座下, 係開始前, 我出去四圍望下, 發現原來都有唔少食品, 且賣相亦不錯 : 冷盤有 : 魚生有兩款、壽司就有 3-4 款、沙律有 2-3 款、火腿..等 ; 熟食有 : 咖哩牛、炸魚、燒賣、薯蓉、蔬菜、清補涼、羅宋湯、德國腸、吉列豬扒、即場製意粉同埋粥; 甜品有 : 蛋糕有 6-7 款 (但因為我太遲食甜品, 所以最後只剩 3-4 款, 但都不停補充)、涼粉、雜果、雪糕..等‧其實以咁o既價錢可以有以上咁多選擇, 我絕對認為超抵 ! 再加上, 地方整潔 (連我個女去到廁所, 都讚個廁所好乾淨) , 侍應生服務都ok, 收碟又快,