呦呦鹿鳴布丁燒 (希雲大廈)

營業中

休息中

原來 #呦呦鹿鳴 布丁燒已經開業好多年，仲要係 #葵廣 嘅人氣王，更攞過 OpenRice 2023 最優秀開飯小食店獎！店主夫婦去過台灣學藝返嚟，主打創意口味 #布丁燒，每日新鮮出爐，將焦糖、布丁漿同芝士蛋糕粉糊放入模具，再隔水焗一個鐘整成。就係呢個過程，令布丁燒嘅餅底保持細緻濕潤，口感豐富 #好食！呢度嘅布丁燒有好多款口味，最後，我同朋友揀咗佢哋嘅招牌泰國椰青味，同我最愛嘅咖啡味：🥥 椰爺布丁燒 (招牌椰青味)食落香滑又清新，仲有粒粒椰肉，甜度啱啱好。☕ 回魂布丁燒 (人氣 NO.1 Coffee) 咖啡味夠晒燻香，口感滑溜，層次感豐富。除咗呢兩款，其他受歡迎嘅口味仲有雲呢拿、朱古力、抹茶、焙茶、Baileys、伯爵茶、茉莉花茶同北海道牛乳等！如果堂食，店員會畀碟仔同小匙羹你慢慢喺舖入面嘆。如果想外賣，佢哋會提供包裝袋同會有個 QR Code，等你知道可以點樣將布丁燒完整地倒出嚟 🍮 另外，原來佢哋都有 #散水餅 系列，仲會印上「後會有期」、「老闆萬歲」、「BYE BYE 你條尾」等字句，又或者你可以加入自創嘅字，用嚟送比同事夠晒特別，好味又表達到心意！