影片
更多
2025-05-13
0 瀏覽
復活節前夕，四日連假之前，約咗朋友去試呢間社交平台好紅嘅自助餐。餐廳成日滿座，好彩早啲book到位，星期四晚就嚟試下。餐廳喺世貿中心六樓，環境幾舒服，位同位之間都算闊落，唔會太迫。🦪 一入場，梗係先去海鮮區睇下有咩揀。今晚啲蠔係美國蠔，個頭中等，勝在新鮮冇腥味，入口仲帶少少海水嘅鹹香，感覺幾清爽。配埋檸檬汁一齊食，味道啱啱好。凍海鮮方面，龍蝦同蟹腳係主角。龍蝦肉質幾實淨，拆殼都算方便，食落爽口彈牙。蟹腳啲肉都幾厚實，咬落鮮甜，而且refill速度都快。刺身方面，個人最愛係北海道帶子，貝柱好厚身，而且鮮甜。見到上網話平時有切拖羅嘅表演，不過問咗店員，咁啱星期四冇，希望下次嚟可以見到啦。今晚嘅燉湯係蟲草花淮山排骨雞湯，用料足，飲落有層次感，冇味精嗰種假甜味，湯底仲帶少少藥材香，暖胃又舒服，幾有屋企阿媽煲湯嘅感覺。喺buffet入面，見到有咁認真嘅燉湯其實唔多，呢個真係值得一試。即炸天婦羅區都幾受歡迎，炸蝦天婦羅外皮香脆，唔會過重油味，蝦肉幾鮮甜，但可能炸嘅時候等得耐咗，有啲唔夠熱辣辣。另外清蒸比目魚整得幾好，魚肉嫩滑，帶少少醬油味，整體味道唔錯，一出爐就俾大家瘋搶。仲有就係霸王雞，肉質好滑
🦪 一入場，梗係先去海鮮區睇下有咩揀。今晚啲蠔係美國蠔，個頭中等，勝在新鮮冇腥味，入口仲帶少少海水嘅鹹香，感覺幾清爽。配埋檸檬汁一齊食，味道啱啱好。凍海鮮方面，龍蝦同蟹腳係主角。龍蝦肉質幾實淨，拆殼都算方便，食落爽口彈牙。蟹腳啲肉都幾厚實，咬落鮮甜，而且refill速度都快。刺身方面，個人最愛係北海道帶子，貝柱好厚身，而且鮮甜。見到上網話平時有切拖羅嘅表演，不過問咗店員，咁啱星期四冇，希望下次嚟可以見到啦。
今晚嘅燉湯係蟲草花淮山排骨雞湯，用料足，飲落有層次感，冇味精嗰種假甜味，湯底仲帶少少藥材香，暖胃又舒服，幾有屋企阿媽煲湯嘅感覺。喺buffet入面，見到有咁認真嘅燉湯其實唔多，呢個真係值得一試。
即炸天婦羅區都幾受歡迎，炸蝦天婦羅外皮香脆，唔會過重油味，蝦肉幾鮮甜，但可能炸嘅時候等得耐咗，有啲唔夠熱辣辣。
另外清蒸比目魚整得幾好，魚肉嫩滑，帶少少醬油味，整體味道唔錯，一出爐就俾大家瘋搶。仲有就係霸王雞，肉質好滑嫩，畢竟唔係咩名貴食材，所以唔多人搶，但係真心係好高質，個人覺得好食過坊間好多出名嘅燒味舖。
肉類選擇好多，今晚試咗幾款。佐賀牛係鐵板燒，油花分布均勻，牛肉味濃郁，入口嫩滑。北海道白樺豚就係用壽喜燒嘅方法煮，味道香甜，咬落啖啖juicy，個人好中意。片皮鴨係即切即食，皮脆肉嫩，包埋薄餅同甜麵醬，味道還不錯，幾款肉類整體質素都高質。
甜品區選擇好多，朋友大推佢哋嘅心太軟。焗得啱啱好，外層帶少少脆，切開之後朱古力醬流出嚟，味道濃郁但唔會太甜，而且可以免費畫碟，好有儀式感。另外，豆腐花都係驚喜之一，滑溜又有豆香，配埋少少糖漿，簡單但好滿足。兩款甜品都值得推介。
整體嚟講，呢間buffet選擇多，食材質素穩定，燉湯同甜品係我覺得表現最好嘅部分，海鮮同肉類用料高質，其他食物水準都有中上，基本上都冇踩到地雷，算係性價比好高嘅自助餐。
張貼
