影片
更多
2023-03-20
206 瀏覽
Honjokko係Pirata Group旗下現代日本料理餐廳 Honjo嘅進化版，主打新派手握壽司及燒烤料理。一入到去見到天花懸空掛滿和風紙傘，室內布置裝潢高雅精緻，每個細節都充滿時尚奢華嘅品味😉 枝豆撒咗西柚粉令枝豆嘅鮮甜更特出，係好好嘅下酒菜 Spinach (v) - White sesame sauce, pickled mustard seeds捲成一束嘅新鮮菠菜，配上白芝麻醬，表面撒上黑白芝麻、玄米粒，脆卜卜口感超好👍Waygu tataki - Seared wagyu, shishito pepper, tosazu, chorizo oilTataki 係常見嘅日本料理，和牛輕輕炙燒後內裡粉紅鮮嫩多汁，再切成薄片，配上新鮮檸檬汁同日式醬油，非常美味可口😍Madai truflle - Black truffle ponzu, cherry tomato, Mitsuba, Menegi, quail eggs yolk十分新鮮嘅鱲魚刺身，喺鵪鶉蛋、柚子汁、黑松露醬嘅襯托下，變得更清新美味。店員即場刨原粒黑松露，香氣隨即撲鼻，拌勻鱲魚刺身一拼享用，集高級食材於一身😎S
枝豆
撒咗西柚粉令枝豆嘅鮮甜更特出，係好好嘅下酒菜
Spinach (v) - White sesame sauce, pickled mustard seeds
捲成一束嘅新鮮菠菜，配上白芝麻醬，表面撒上黑白芝麻、玄米粒，脆卜卜口感超好👍
Waygu tataki - Seared wagyu, shishito pepper, tosazu, chorizo oil
Tataki 係常見嘅日本料理，和牛輕輕炙燒後內裡粉紅鮮嫩多汁，再切成薄片，配上新鮮檸檬汁同日式醬油，非常美味可口😍
Madai truflle - Black truffle ponzu, cherry tomato, Mitsuba, Menegi, quail eggs yolk
十分新鮮嘅鱲魚刺身，喺鵪鶉蛋、柚子汁、黑松露醬嘅襯托下，變得更清新美味。店員即場刨原粒黑松露，香氣隨即撲鼻，拌勻鱲魚刺身一拼享用，集高級食材於一身😎
Sashimi Moriawase
Otoro, scallop, uni, salmon roe
拖羅，帶子，海膽，三文魚籽
Otoro 係魚腹位置脂肪豐厚嘅肉，食落油脂感更感誇張，極肥美🐟 帶子超厚身，十分鮮甜。海膽入口即化，海膽既鮮甜同三文魚籽融合既口感同味道，好正!!
Honjokko otoro - Smoked otoro, shiso leaf, kizami wasabi, black tobiko, uni
好有仙氣嘅料理，拎開玻璃罩，徐徐輕煙散去，映入眼簾嘅係煙燻壽司卷物。卷物最外層係拖羅，表面仲鋪左海膽、黑魚子醬、金箔，包著toro蓉同紫蘇葉，好清新
Sea bass saikyoyaki - Miso marinated Chilean sea bass, hardwood smoke
西京燒其主要用白味噌做成醃料，燒好後嘅智利海鱸魚表面金黃，魚肉帶有淡淡白味噌的甘甜味。平時唔鐘意食魚嘅我都食左好多，一片片嘅新鮮魚肉嫩滑而且充滿鮮味🐟
Robata pork belly - 3 skewers, honey-ponzu glaze, yuzu daikon
五花肉嘅肉質超軟腍，入口即化，特別係肥膏部分超級正!! 雖然係極邪惡，配上芥末沙律醬同蘋果醬，好味到忍唔住一口氣食曬成串🙈 配上自家製醋醃大根，可減輕油膩感!!
Black Sesame Crème Brûlée
焦糖燉蛋就食得多，依個黑芝麻燉蛋係我過最好食😳 口感幼滑，黑芝麻味超級濃郁，配上脆卜卜嘅芝麻脆餅，每啖都充滿芝麻香。仲有海鹽焦糖雪糕，為今餐畫上完美嘅句號☺️
張貼
