影片
更多
2023-05-21
15 瀏覽
母親節媽媽👩🏻話想食鐵板燒，可惜Book唔到正日，唯有後補呢一餐！今次就揀咗喺佐敦嘅龍亭，地點方便加上定價都算入門級，值得一試！🌟 入門廚師發板套餐(五道菜)今次👧🏻👩🏻都揀咗五道菜嘅餐，有齊沙律、海鮮🦞、肉、炒飯同甜品，超級飽同滿足！沙律🥗就用上羽衣甘藍🥬同各種生菜、番茄仔、菠蘿🍍、燈籠果，配上柚子醋同意大利黑醋，酸甜並重。🌟 鐵板海鮮兩品當日海鮮有6款選擇，而👧🏻👩🏻分別揀咗東星斑、鱔、鮑魚同帶子。而伴碟就用上藍色嘅泡泡🫧，原來係蝶豆花泡泡，略帶咸味，可以提鮮。東星斑魚肉非常結實，魚皮煎至金黃香脆🐟，而鱔就完全冇泥味又非常彈牙，再配上竹炭鹽提鮮同調味，連平時唔食鱔嘅👧🏻都覺得可以接受！另外鮑魚就幾鮮甜+軟身，一啲都唔韌，配上特製蒜茸醬好惹味。帶子就用上黑松露牛油汁，黑松露味幾重手下😆。🌟 鐵板肉類一品肉類就揀咗澳洲牛柳同日本豬扒👍🏻。牛柳粒熟度就揀咗五成熟，火侯控制得岩岩好，唔算係好重油膩感幾清爽。伴碟就有鮮磨Wasabi、炸蒜片、黑蒜鹽。而豬扒嘅肉味係意想不到嘅甜美，同平時我地食開嘅豬肉好唔同！醬汁就用上菠蘿辣汁，同豬肉好匹配！兩款肉類嘅伴菜都有用上櫻桃蘿蔔，味道冇白蘿蔔咁濃烈，
🌟 入門廚師發板套餐(五道菜)
今次👧🏻👩🏻都揀咗五道菜嘅餐，有齊沙律、海鮮🦞、肉、炒飯同甜品，超級飽同滿足！
沙律🥗就用上羽衣甘藍🥬同各種生菜、番茄仔、菠蘿🍍、燈籠果，配上柚子醋同意大利黑醋，酸甜並重。
🌟 鐵板海鮮兩品
當日海鮮有6款選擇，而👧🏻👩🏻分別揀咗東星斑、鱔、鮑魚同帶子。而伴碟就用上藍色嘅泡泡🫧，原來係蝶豆花泡泡，略帶咸味，可以提鮮。
東星斑魚肉非常結實，魚皮煎至金黃香脆🐟，而鱔就完全冇泥味又非常彈牙，再配上竹炭鹽提鮮同調味，連平時唔食鱔嘅👧🏻都覺得可以接受！
另外鮑魚就幾鮮甜+軟身，一啲都唔韌，配上特製蒜茸醬好惹味。帶子就用上黑松露牛油汁，黑松露味幾重手下😆。
🌟 鐵板肉類一品
肉類就揀咗澳洲牛柳同日本豬扒👍🏻。
牛柳粒熟度就揀咗五成熟，火侯控制得岩岩好，唔算係好重油膩感幾清爽。伴碟就有鮮磨Wasabi、炸蒜片、黑蒜鹽。
而豬扒嘅肉味係意想不到嘅甜美，同平時我地食開嘅豬肉好唔同！醬汁就用上菠蘿辣汁，同豬肉好匹配！
兩款肉類嘅伴菜都有用上櫻桃蘿蔔，味道冇白蘿蔔咁濃烈，味道清幽，更可以幫手解肉類嘅滯膩感！
🌟 炒飯
炒飯粒粒分明，乾爽仲要夠曬鑊氣，鮮蝦彈牙，估唔到普普通通一個蛋炒飯都發揮得幾好！
🌟 是日甜品
是日甜品係檸檬雪芭🍋配柚子皮。檸檬味道清新，單吃雪芭甜度比預期高。其實餐廳別有用心，就係要配埋重澀味嘅柚子皮，提升味道層次又可以中和甜度。
🌟 鐵板燒雞泡魚乾
另外仲叫咗啲小食Share，雞泡魚乾煎至軟熟，再用鐵鏟切開，形狀不一。雞泡魚乾🐡都幾重味霖，配埋少量七味粉同蛋黃醬，一如預期地好。
🌟 鐡板焦糖多士
呢個甜品係見到唔少人推介，絕對值得期待！多士先塗滿牛油🧈，再舖上焦糖再煎至琥珀焦糖色。焦糖脆片有點厚，口感幾好。另外再點埋好Creamy嘅檸檬芝士🍋Cream，味道層次幾豐富！
張貼
