容記小菜王

營業中

休息中

係太子道西近大角咀，平時行經見到大大個燈牌好顯眼，容記小菜王，見到係米芝蓮推薦餐廳，今日就同男朋友黎食晚飯。晚上7點去到已經座無虛席，必須要預先訂位，餐廳座位舒適，燈光光猛，店員服務亦唔錯。揚名國際燒肉 (細) $98呢個係招牌菜，仲係米芝蓮推介必食啦！燒肉既油脂分佈層次分明，一層肥一層瘦，食落有陣淡淡既油脂香，外皮熱熱地好夠脆，燒肉皮脆肉嫩，中間隔着一層薄薄的肥膏，咬落又香又juicy。金沙脆蝦球 $128份量十足，好多隻蝦球好大隻，咬落去又彈牙又爽口。金沙係將「鹹蛋黃」壓碎後，再混合蝦球製成的金沙料理，入口鹹香惹味，香氣飽滿撲鼻，略帶顆粒的如細沙口感非常特別，邪惡得黎食到停唔到口。 濃湯海鮮雜菜煲 $108好大煲好抵食，湯底清甜，健康又好味。雜菜煲配料非常豐富，有好多不同的海鮮，有珊瑚蚌、蝦、香菇、菜芯、粉絲等等。