昭和食堂

營業中

休息中

今日同朋友出銅鑼灣買啲嘢，晚飯時間諗緊食乜，朋友介紹話去昭和食堂，入到去，6點半左右，已經有4，5枱客人，睇睇餐牌，魚生壽司串燒熟食，很多選擇，但係天氣都係叫杯啤酒飲住先，之後侍應介紹話今日秋刀魚同沙甸魚刺身都好肥美好大條。於是朋友就叫咗秋刀魚刺身，吞拿魚腩刺身，日本白象拔蚌刺身，日本帆立貝刺身。然後叫咗支清酒配刺身，師傅秋刀魚去皮去骨，食落去果然肥美，很多魚油，魚味夠濃，另外師傅仲用另一個食法就係用紫菜包住入邊有啲青蔥加黃羅白，食落口感特別唔同，而且味道更更豐富之後再食埋秋刀魚壽司，同埋用面豉醬醃過再包秋葵燒嘅秋刀魚，另外叫咗小許其他送酒小食同埋串燒，最後食個雞湯烏冬，整餐飯就完美了，間餐廳環境都幾舒服，裝飾佈置睇到店長係有心思。下次會再幫襯。