川之源

營業中

休息中

餐廳位於西營盤正街扶手梯同英華臺交界，扶手梯直達，非常方便。本地手工啤酒大浪灣，強勁而芬芳嘅印度 pale ale，入口帶柑橘同埋堅果嘅香氣，餘韻係麥芽嘅味道，手工啤就係餘韻悠長，讚。重慶口水雞，雞肉嫩滑，味道麻中帶辣之餘仲有少少甜， 味道層次感豐富，係我非常之喜歡嘅味道。干煸花菜，花菜炒得乾身，連碟底都唔會見到有幾多油喺度，但係依然能夠保持到花椒同埋辣椒嘅香味，係少有嘅少油健康川式干煸菜。重慶酸辣粉，重慶酸辣粉味道正宗，薯粉口感煙韌，恰到好處嘅掛湯能力令到酸辣粉個湯汁得到好好嘅發揮。桂花冰粉，飯後贈送免費甜品，清甜潤喉，為口腔從頭先嘅川式刺激裏頭 refresh 一下。