影片
更多
2023-06-07
27 瀏覽
龍亭小編今次揀咗一間有特色嘅鐵板燒 omakase ，餐廳外表與名字十分匹配，帶有神秘又高級，餐廳入口更是十分隱藏，需要撳鐘，等專人門口，增加唔少儀式感。是次揀咗588入門廚師發板套餐（五道菜）沙律作為開胃前菜，餐廳利用意大利黑醋，將沙律菜嘅甘苦味掩蓋，更可以食出酸酸甜甜嘅味道，一定要撈均先好食呀！ 北海道帶子&白鱔鮮甜帶子經過鐵板燒過後，增加咗唔少風味，更加可口。另外，白鱔非常爽口彈牙，口感十足，再配上自家制嘅蝶豆花泡泡提升唔少鮮甜味。南非孔雀鮑魚&東星班鮑魚十分鮮甜及彈牙，東星班屬少見用嚟鐵板燒，初嘗，味道十分香口，肉質較滑，唔會有任何魚腥味，再配上蝶豆花泡泡增加咸香味。澳洲牛柳粒今次揀左5成熟，牛肉味較濃，亦都好冧，配上竹炭鹽，增加唔少風味，仲提供炸蒜片，配埋一齊食，變左蒜香牛柳味，十分夾。宮城縣黑豚扒豚肉扒肉質唔算太結實，較為有口感，唔會有任何豬腥味，味道會帶少少甜味，提供左兩款醬汁：蒜香牛油同自家制菠蘿汁，令味道更加有層次，菠蘿汁較有清新味道。澳洲和牛厚切牛舌小編額外點左個厚切牛舌，入口好香濃嘅牛肉味，入口十分彈口，好有口感，令人食完又想食。海鮮炒飯餐廳以紅蘿蔔、蒜頭、蔥、雞
小編今次揀咗一間有特色嘅鐵板燒 omakase ，餐廳外表與名字十分匹配，帶有神秘又高級，餐廳入口更是十分隱藏，需要撳鐘，等專人門口，增加唔少儀式感。
是次揀咗588入門廚師發板套餐（五道菜）
沙律
作為開胃前菜，餐廳利用意大利黑醋，將沙律菜嘅甘苦味掩蓋，更可以食出酸酸甜甜嘅味道，一定要撈均先好食呀！
北海道帶子&白鱔
鮮甜帶子經過鐵板燒過後，增加咗唔少風味，更加可口。另外，白鱔非常爽口彈牙，口感十足，再配上自家制嘅蝶豆花泡泡提升唔少鮮甜味。
南非孔雀鮑魚&東星班
鮑魚十分鮮甜及彈牙，東星班屬少見用嚟鐵板燒，初嘗，味道十分香口，肉質較滑，唔會有任何魚腥味，再配上蝶豆花泡泡增加咸香味。
澳洲牛柳粒
今次揀左5成熟，牛肉味較濃，亦都好冧，配上竹炭鹽，增加唔少風味，仲提供炸蒜片，配埋一齊食，變左蒜香牛柳味，十分夾。
宮城縣黑豚扒
豚肉扒肉質唔算太結實，較為有口感，唔會有任何豬腥味，味道會帶少少甜味，提供左兩款醬汁：蒜香牛油同自家制菠蘿汁，令味道更加有層次，菠蘿汁較有清新味道。
澳洲和牛厚切牛舌
小編額外點左個厚切牛舌，入口好香濃嘅牛肉味，入口十分彈口，好有口感，令人食完又想食。
海鮮炒飯
餐廳以紅蘿蔔、蒜頭、蔥、雞蛋炒埋一齊，十分香口又健康，濃濃嘅紅蘿蔔味，加上鮮蝦嘅鮮味，令炒飯又香又好味。
爆爆紅豆豆腐雪糕&檸檬柚子雪葩
香濃嘅豆腐雪糕加上新奇特別嘅爆珠紅豆，令普通嘅甜品加左一份新奇。另外，酸酸甜甜嘅檸檬柚子，將是次嘅油膩感一併帶走，唔會留低任何罪惡感。
美人梅酒
容易入口，唔會有太重嘅酒精味，重要有減糖質，就算入多幾啖都唔怕有負擔。
張貼
