寿司九州市場

營業中

休息中

心情好會想食壽司，心情差都想食壽司。同同事在令人抑鬱的星期一，打算食壽司，幫自己打打氣。見到餐廳的日式裝潢有九州出名的屋台，十分吸精，所以決定食呢一間。同同事叫了兩個定食，每個定食都會有沙律、是日炸物 、漬物同麵豉湯。沙律除了椰菜絲、粟米同小蕃薯，更會有天婦羅脆脆，令開胃的沙律增加口感。是日炸物是炸章魚，不會過鹹，但偏油。漬物同麵豉湯就正正常常。食完炸章魚再食漬物，有種解油膩的感覺。壽司卷物定食A $89北寄貝沙律手卷、三文魚、墨魚、八爪魚芥辣軍艦、蔥粒吞拿魚腩軍艦、千尋海老、醋鯖魚、三文魚腩、海螺壽司卷物定食B $109三文魚卷、蔥粒吞拿魚腩軍卷、北寄貝沙律卷、吞拿魚、油甘魚、三文魚、墨魚、鰻魚、千尋海老、海螺、三文魚腩壽司同卷物都正正常常，比較有驚喜的是三文魚卷、蔥粒吞拿魚腩軍卷同北寄貝沙律卷。卷物中間是生菜、青瓜同玉子，令整體味道更清爽。迷你烏冬 +$18同同事胃口好好，覺得星期一特別餓，各自都追加了迷你烏冬。湯底是日式鰹魚湯，烏冬軟硬剛剛好，十分滿足。餐廳環境舒服比食物水準出色，食物味道記憶點不高，同區壽司有更出色的選擇。