寿司九州市場

成日去開沙田嘅我都唔知原來呢度有間日本餐廳，舖頭門面有啲普通，但一入到去發現裝修得好似日本魚市場咁，好有feel！叫咗佢一個壽司拼盤，油甘魚同帶子都好出色，好新鮮，而且肉質都好好，其他就不過不失啦，海膽反而有少少失望，食落去有少少苦～另外都叫咗刺身拼盤，油甘魚、帶子、三文魚同吞拿魚都幾新鮮幾好食，其他就麻麻哋啦，尤其海膽，我諗係同壽司用同一批海膽，所以味道都係苦苦地！另外都叫咗一啲燒物，甲羅燒都好食，反而燒雜菇就普通咗啲，唔太抵食！…查看更多

晚上同朋友近八點鐘到 我叫左兩個天婦羅盛 其間搵侍應催左三次單 轉埋外賣 等夠一個鐘 最後冇要到取消單就走左。 聽到其他枱都有追緊單。 係隔離間すき屋買個牛肉飯 五分鐘就出到餐，唔知自己等咩。 唔怪得間間鋪都咁多人排隊 呢間就可以直入。本身晚市間鋪都多空位 又唔係坐滿人，上菜都咁慢。 同行朋友野食都係一碟 一碟咁隔好耐先上 食下停下咁，唔知係廚房唔夠人定係廚房佬玩野。 完全唔建議去食，除非你係預咗去坐返兩三個鐘 一次黎一兩碟既就可以去涼下冷氣。咁多位應該係預左每枱客坐返幾個鐘先走。 …查看更多

晚餐去食 唔係第一次食，叫咗2個壽司定食，啲刺身一食就知唔新鮮，似擺咗好耐，個刺身蝦係霉嘅 ，三文魚味道奇怪，然後舊壽司飯好似喺雪櫃拎出嚟咁，又凍又硬，所有嘅食物同以前相比，個質素差好遠，未食過咁難食嘅壽司，仲要俾+1服務費，機械人送餐，冇任何服務可言，枱面有好多空嘅細碟，食到最後先有人過嚟執嘢，就係問我哋last order仲加唔加嘢食 。比咗五百八十幾蚊買咗個寂寞，佢嘅質素仲差過連鎖式嘅壽司店。最後去隔離買咗個牛肉飯食。…查看更多

#20250803 🤍📍 #寿司九州市場 @kyushu_ichiba 沙田沙田正街2-8號新城市廣場三期2樓A236號舖➖➖➖➖➖➖➖➖➖➖➖➖➖➖➖➖➖#蒜香燒汁豚肉鍋 $128 🥢 #白飯 #漬物 💭 呢個有啲特別，係用個四四方方既盤裝住晒啲生既肉同菜，以為無水無油咁乾淨淨會好易燶，原來啲菜會自己出水，啲豬又會自己出油，估唔到係咁樣原汁原味又幾正，只要keep住炒下佢就唔會痴底😎啲野熟左點啲蒜香燒汁勁好撈飯，加上佢用既係日本珍珠米，成件事即刻高級晒🐷.#大漁海鮮丼 $168💭 一碗有齊三文魚、吞拿魚、魷魚、油甘魚、鯛魚、蟹肉、三文魚子同海膽，加上呢個環境地段，其實咁既價錢唔算貴，但論質素佢又唔算特別標青，只可以講佢絕對係對得住呢個價錢，不過食完會仲有空間去吉串燒賣食下咁囉😂.#沙田美食 #🐷在沙田 #🐷_食 …查看更多

- 豚骨湯豚肉鍋配白飯 漬物- 牛壽喜燒烏冬（極級牛五花120g）温泉蛋喺新城市廣場兜咗個圈見呢間唔洗等位 價錢又算抵食豚肉有至少四大片 唔會太肥 個鍋底有堆椰菜同豆芽 滾完之後個湯有陣紅薑味 我就麻麻地薑味 所以心目中扣咗啲分 但整體味道係可以接受 同埋鍋物配飯好似爭減啲嘢😂牛壽喜燒就牛肉上枱賣相唔太吸引😂menu圖片會好少少 不過食落係ok嘅 煮完就係正常壽喜燒味 壽喜燒會好過豚骨湯 烏冬彈牙 烏冬為呢餐飯加返唔少分想簡簡單單一餐嘅話 可以揀呢間試吓💰$260…查看更多

琴晚兩大兩小去食，首先兩個兒童餐薯條配嘅茄汁已經餿左，投訴完換左新嘅茄汁，接落黎到刺身船，三文魚食落去明顯唔新鮮味道奇怪，蝦直程霉左蝦頭又腥又臭，之後野食剛到齊食左五份一都無逼人要埋左單先，但係問題係佢啲食物有好多都有問題根本唔知需唔需要退款就要逼人埋單先，因為有揸車要商場app泊車就同職員表明需要儲商場app泊車，職員竟然叫我未食完就行出去埋單先，因為趕住埋數收工，然後同職員理論爭吵左一陣之後後加個三文魚壽司卷先到，係比小朋友食嘅，小朋友只有五歲但係能夠講出第二次嘅三文魚壽司卷同第一次味道唔同，唔知係咪因為同職員爭吵過對方報復加料，結果就係四個人食返到屋企三個人痾嘔，大家好好考慮幫唔幫襯…查看更多

本身諗住算，都係烏冬味道正常，款式都幾多。😅不過諗緊壽司師傅係咪intern，壽司擺設水平驚人。🤨🤨叫細壽司6件高矮不平，三文魚味道奇怪🤢，d醬油味道似蒸魚醬油🤮🤮。叫個加州卷等左半個鐘，都唔緊要，但黎到嚇到我手震，魚籽散落滿碟，感受到師傅超高誠意。🤒🤒🤒除左呢d，講句公道說話，其他都正常嘅。🫤而價錢黎講呢，就同某大型既連鎖壽司店差唔多，所以個人認為黎呢都食，就食其他野，唔好叫壽司了（或者唔好黎食）。…查看更多

裝修似日本嘅餐廳，入門口都有喺日本嘅 feel食物質素可以，壽司只係比附近超市稍為好吃一點；壽喜燒牛肉鍋算合格嘅；赤貝新鮮度 ok價格合理，走平民路線，所以食物質素唔會特別驚喜坐位舒適，空間足夠，不會太嘈吵自助 QR code點餐，唔易錯，有效率食物選擇不算好多，沒有天婦羅和串燒，因為以壽司為主…查看更多

寿司九州市場，位於沙田沙田正街2-8號新城市廣場三期2樓A236號舖。 餐廳是一間以九州市場為主題的日本料理，晚餐 ～ 三文魚細卷$18、 吉列牛肉免治餅$32、 薰長純米吟釀$96、 蜜桃汽水$32、 極上壽司套餐$148、 牛壽喜燒烏冬( 極級牛五花) $108、 追加西冷$59。 ▪️三文魚細卷$18 ～ 經典的細卷，一啖一口。 ▪️吉列牛肉免治餅$32 ～ 焦脆香口，幾好味。 ▪️極上壽司套餐$148 ～ 壽司正常發揮。 ▪️牛壽喜燒烏冬( 極級牛五花) $108 ～ 牛五花口感軟腍， 套餐包括有烏冬，份量幾多。 ▪️追加西冷$59 ～ 加$59， 只有兩塊薄片西冷， 唔抵食。 ▪️薰長純米吟釀$96 ～ 可能凍會比較好飲。 ▪️蜜桃汽水$32 ～ 有蜜桃味的汽水，味道可以。 整體食物質素普通， 但用餐時間冇限時， 可以慢慢與朋友用餐。 🏷️溫馨提示～ 整個用餐體驗均屬個人分享意見， 只作參考😊。 …查看更多

我哋就係鍾意呢間日本嘢唔算多人，次次黎可以直入﹐嘢食質素都唔錯。三文魚壽司夠肥美。蟹柳壽司超正，食極唔厭。炸蝦卷佢加埋啲醬好好食，加埋蟹籽好有咬口。刺身壽司都唔錯，特別吞拿魚料理，佢雖然多洋蔥，但食落好正。…查看更多

今日嚟到壽司九州市場🙈我覺得佢質素係偏高嘅壽司舖頭💛藍鰭吞拿魚祭，身為吞拿魚迷嘅我梗係成頁都試晒啦！🤭重點依家係佢因為呢個祭有優惠叫晒都唔算貴質素都仲要係高！我最鍾意都係個藍鰭吞拿魚腩🥹個油脂分布得超完美一咬落去超滿足💛食落去完全係會想encore個種之後叫咗餐廳，我覺得必食嘅兩樣嘢🤣其中一個係我最愛嘅明太子芝士年糕🥳我覺得呢個係唔叫真係會後悔😂佢食落熱辣辣，一啖芝士一啖明太子醬嗰種滿足感真係超正😋另外一隻係龍子卷！佢啲醬再配炸蝦入面仲有蒜片，再加上少少嘅生菜去解膩🙈個種配搭，簡直係Perfect！！！呢間舖自從開咗係沙田之後我都不斷係咁返嚟再食嘅一間🤣每次食都會配上一杯汽酒🙈個一日嘅煩惱完全消散，佢真係做到好似日本舖頭嗰種嘅感覺每次去食都覺得好舒服依家仲有個吞拿魚祭，大家快啲去試吓啦！…查看更多

小朋友真係好鍾意食壽司，食極都唔厭。今日又話要食，諗起呢間餐廳好耐冇去，又唔多人，所以諗住過去。去到，不出我哋所料，好少人，即刻入得。小朋友必點蟹柳壽司、鰻魚壽司，不過不失。熟食反而唔錯，牛油粟米又係小朋友最愛，好大兜。雞翼夠脆，味道唔錯。至於刺身壽司，就真係非常一般啦。…查看更多

如題，食物質素中等水平。叫咗壽司同壽喜燒，食材都新鮮，份量OK，口味無功無過。唯收銀阿姐好有面，問多句「點樣儲分」即時粗口粗面似乎要從櫃檯衝出來咁款…因為要儲分，係櫃檯隔離企咗陣搞個app，同時觀察到佢對埋單嘅男士態度尚可，對女士黑口黑面。…查看更多

黎到沙田市中心行下行下就順便搵地方食晚餐啦, 行到呢邊又係呢個長假期入邊有好多餐廳都唔駛等位.最後都係揀左呢間試試, 雖然有卡位坐, 環境算是比較舒服.不過食物質素真係比較低, 賣相已經一般, 質素就更加低, 炒麵68蚊連餐牌頁闊度都大過個鐵板,完全唔抵.壽司方面,三文魚味道算正常, 舊飯有部分真係好少好細,而且一夾就好容易散,質素低.蟹棒玉子味道都係正常不過覺得唔夠凍, 舊飯一夾都係好容易散開.卷物真係比較細舊而且賣相好一般, 味道普通,唔太抵.最唔值係個鐵板海鮮炒麵, 太細份之餘要68蚊, 海鮮又唔係多, 完全唔值.>>>整體黎講<<<唔值而且質素低既一餐...…查看更多

難得平日放假，就去沙田新城市行吓街，行到三期一田嗰邊，開始有啲餓，見到呢間日本嘢未試過，又有午市定食，就入去試吓啦！仲好好安排咗卡位比我！午市定食都主要係壽司，我叫咗set A, 有北寄貝沙律手卷、三文魚壽司、墨魚壽司、八爪魚芥辣軍艦、蔥粒吞拿魚腩軍艦、千尋海老壽司、醋鯖魚壽司、三文魚腩壽司同埋海螺壽司，定食套餐仲包埋沙律同埋麵豉湯。壽司都新鮮，唯一美中不足係醋鯖魚有幾條魚骨，食嘅時候要小心啲。整體來講都幾抵食！…查看更多