九頭鳥米線

營業中

休息中

成日都聽到朋友推薦食九頭鳥米線，話同致命米線舖好似，呢排行街見到就試試佢啦！米線舖嚟講佢都算多餸可以揀，平時識開雞肉藍玉或者係一啲墨魚卷都可以有得揀。當日我就揀咗腩肉、墨魚卷、豬膶，仲加咗個蒜泥白肉。啲餸嘅味道正正常常，不過豬潤就偏細塊同乾身，由於本人比較鍾意食厚身爽口，可能就唔係太啱我啦。反而個墨魚卷表現非常良好，食得出佢啱啱炸起嘅味道，配埋成個湯底都幾嘢味。至於個蒜泥白肉，蒜泥唔係生磨蒜，唔會話太辛辣，腩肉質地都爽口，想加個小食都可以一試。