影片
更多
2019-11-04
104 瀏覽
作為一名健身教練, 無錢去日本咪黎hamataki囉上次黎九龍城食泰國野個陣, 離遠見到依間居酒屋既招牌, 比佢catch到我目光, 因為太搶眼啦寧寧舍舍閃下閃下咁。上網睇下佢d食評好似好正, 今晚得閒就過泥食一食, 6點幾到左諗住冇死啦唔洗排隊, 點知去到見到入面滿哂坐😰好彩店員叫我地上2樓, 原來有兩層既, 係出面真係睇唔出依度既師傅同老闆係日本人, 所以裝修同氣氛同日本居酒屋真係一樣, 連d店員個feel同講野既語氣都係好有活力好開心咁, 感覺不錯!雞肉漢堡串 $28喂依個雞肉棒真係必嗌, 雞肉捧表層燒到焦香, 有少少d甜甜地應該搽左層甜醬油, 入面撈左雞軟骨碎, 店員叫我地一定要狠狠地點落個蛋黃度, 咁就聽佢講啦, 點左又真係再香d!! 好味之餘又有口感28蚊咁抵食叫多幾串都唔肉赤!!石鍋清酒煮蜆 $78一黎就呷啖湯先, 酒味唔太重但係好鮮甜無雪味, 証明蜆係新鮮既, 食落當然係鮮味, 依隻蜆既肉都尚算肥美鐵鍋明太子三文魚飯 $88熱辣辣既石鍋飯, 淡淡既明太子味, 三文魚非常之嫩, 唔知點解有種creamy既口感, 而且連下面既飯都滲有魚油香, 正花魚燒一夜干 $88出面好少
上次黎九龍城食泰國野個陣, 離遠見到依間居酒屋既招牌, 比佢catch到我目光, 因為太搶眼啦寧寧舍舍閃下閃下咁。上網睇下佢d食評好似好正, 今晚得閒就過泥食一食, 6點幾到左諗住冇死啦唔洗排隊, 點知去到見到入面滿哂坐😰好彩店員叫我地上2樓, 原來有兩層既, 係出面真係睇唔出
依度既師傅同老闆係日本人, 所以裝修同氣氛同日本居酒屋真係一樣, 連d店員個feel同講野既語氣都係好有活力好開心咁, 感覺不錯!
雞肉漢堡串 $28
喂依個雞肉棒真係必嗌, 雞肉捧表層燒到焦香, 有少少d甜甜地應該搽左層甜醬油, 入面撈左雞軟骨碎, 店員叫我地一定要狠狠地點落個蛋黃度, 咁就聽佢講啦, 點左又真係再香d!! 好味之餘又有口感28蚊咁抵食叫多幾串都唔肉赤!!
石鍋清酒煮蜆 $78
一黎就呷啖湯先, 酒味唔太重但係好鮮甜無雪味, 証明蜆係新鮮既, 食落當然係鮮味, 依隻蜆既肉都尚算肥美
鐵鍋明太子三文魚飯 $88
熱辣辣既石鍋飯, 淡淡既明太子味, 三文魚非常之嫩, 唔知點解有種creamy既口感, 而且連下面既飯都滲有魚油香, 正
花魚燒一夜干 $88
出面好少見到有花魚燒一夜干, 多數食開魚鮫個d, 依條魚又係出色, 師傅燒得好好, 表面焦香, 但魚肉保持住juicy唔乾仲要好滑, 香到不能形容, 有d位骨比較多但係都係類似鰻魚個d細骨所以都無問題, 另外配左個柚子醋, 點左就多左份清新, 但就咁食原汁原味已經好食。
佐酒炸長手蝦 $48
雖然我地冇飲酒, 但係都想食d香口野, 依個蝦仔咸咸地炸到脆卜卜, 又唔會炸到over左, 成隻蝦仔形狀依然係度唔會碎哂, 食下一粒食下一粒好過癮, 送酒黎講真係一流。
食飽落樓走既時候7點半左右門口已經排緊幾枱, 好彩早少少黎, 依度野食既質素真係得, 可能因為師傅係日本人, 做食物當然有番日本既水準! 價錢又一d都唔貴, 以後黎九龍城除左泰國菜之外終多一間心水餐廳揀啦!!
張貼
