Anjappar Chettinad Indian Restaurant

營業中

休息中

今日同個朋友約左有啲野傾，又唔想去茶仔咁嘈咁唔舒服。見附近呢間印度菜啲環境幾舒適，就去呢間邊食邊傾。入到去都唔使點等就有位，可能時間早啦😆。全部待應我估都應該係印度人，所以要用英文落單。侍應好有禮貌，仲教我啲菜點讀。🙈環境真係幾好，仲真係有啲印度人都來食，應該都係夠正宗先吸引到佢地👍🏻👍🏻。叫左個芒果奶昔，一個印度咖哩雞再加蒜蓉烤餅同特式芝士薄餅。餐廳仲有啲小食俾你食住等，咸咸脆脆咁幾好食😍。芒果奶昔好好味，芒果味好重，用來開胃一流！咖哩雞個咖哩好香濃，香料味重。啲雞都好入味！兩個蒜蓉烤餅同特式芝士薄餅就咁食都好好味，用來配上啲咖哩就更加豐富🤤🤤。本身我又勁鍾意食烤餅，差少少想叫多一個🙈🙈。臨走果陣，店員仲有問我地啲食物好唔好，當然好食啦😘。