影片
更多
2025-03-28
61 瀏覽
今日專登去咗九龍城宋王臺站附近嘅「瀛鍋」打邊爐，開業15周年，OpenRice book位每位送冰鎮鮑魚一隻，點可以錯過？隻鮑魚真係冇得頂，爽口彈牙，醃得啱啱好，一啲都唔韌，仲好入味！ 🐟 前菜驚喜首先試咗三文魚刺身，厚切到呢～啲油花分布均勻，入口即溶，新鮮到不得了！ 🍲 鍋底精選叫咗個「鮮味卜卜蜆鍋」，啲蜆大隻到嚇親人，肥美鮮甜，個湯底飲咗兩碗都唔夠喉！ 🥩 肉類推介手切鮮肥牛真係必點！油花靚到發光，牛味濃郁，淥兩淥就食得，腍滑到唔使點咬～ 🥟 餃類雙拼韭菜餃拼魚皮餃，皮薄餡多，一咬爆汁，仲要每款四件，抵食！ 🦐 小食加分酥炸鮮蝦餅炸到金黃香脆，咬落去仲有蝦粒，彈牙得嚟唔油膩！ 🐍 特色風味珠江風鱔片超驚喜！冇乜骨，肉質爽脆嫩滑，打邊爐咁食真係第一次，正！ 👶 家庭友善最估唔到餐廳有小朋友玩樂區，大人可以慢慢食，細路又可以放電，仲有包廂可以book，私隱度高，一班朋友傾偈打邊爐一流！ 📍 瀛鍋 (九龍城)九龍城福佬村道82-84號福成閣地下A-B號舖
今日專登去咗九龍城宋王臺站附近嘅「瀛鍋」打邊爐，開業15周年，OpenRice book位每位送冰鎮鮑魚一隻，點可以錯過？隻鮑魚真係冇得頂，爽口彈牙，醃得啱啱好，一啲都唔韌，仲好入味！
🐟 前菜驚喜
首先試咗三文魚刺身，厚切到呢～啲油花分布均勻，入口即溶，新鮮到不得了！
🍲 鍋底精選
叫咗個「鮮味卜卜蜆鍋」，啲蜆大隻到嚇親人，肥美鮮甜，個湯底飲咗兩碗都唔夠喉！
🥩 肉類推介
手切鮮肥牛真係必點！油花靚到發光，牛味濃郁，淥兩淥就食得，腍滑到唔使點咬～
🥟 餃類雙拼
韭菜餃拼魚皮餃，皮薄餡多，一咬爆汁，仲要每款四件，抵食！
🦐 小食加分
酥炸鮮蝦餅炸到金黃香脆，咬落去仲有蝦粒，彈牙得嚟唔油膩！
🐍 特色風味
珠江風鱔片超驚喜！冇乜骨，肉質爽脆嫩滑，打邊爐咁食真係第一次，正！
👶 家庭友善
最估唔到餐廳有小朋友玩樂區，大人可以慢慢食，細路又可以放電，仲有包廂可以book，私隱度高，一班朋友傾偈打邊爐一流！
📍 瀛鍋 (九龍城)
九龍城福佬村道82-84號福成閣地下A-B號舖
張貼
