影片
更多
2019-12-01
162 瀏覽
卡比實在太想念韓餐了，決定呢晚點都要搵間韓國餐黎食，就係咁樣黎到鳳雛燉雞。鳳雛燉雞係由韓國人經營同管理，所以D食物都食得出好正宗同正式。前菜係韓國菜當然係唔缺少得，又辣又爽又酸又脆，好正。🔷鳳雛燉雞 💰248 💙80/100揀左無骨雞同小辣口味，另外仲加左份年糕。燉雞份量老實說真系幾多，卡比有少少低估左佢個份量，兩個人黎到陣系叫呢款都可以填飽七、八成既肚。除左無骨雞，仲有其他配料如紅羅白、薯仔、青瓜片及冬粉等，冬粉好煙韌好過癮，紅羅白、薯仔同雞都煮到入哂味，仲帶有微微既辣，薯仔都煲到淋又粉，係出色既一道菜。🔷芝士醬汁無骨炸雞 💰128 💙70/100芝士份量好多，鋪滿哂成個鐵板底部而且厚厚的。而炸雞比韓式醬汁包圍住，辣辣甜甜，再用芝士包住炸雞黎食，好match。🔷人蔘雞湯 💰138 💙75/100隻雞很滑而且煲到十分淋，淋得連骨都好輕易咬碎哂。雞入邊除左放上糯米，仲有紅棗，湯飲得出有少許人蔘味既甘，亦清啖得黎好甜，個碗保溫能力超強，慢慢飲都仲keep到熱騰騰。🔷青提梳打 💰32 💙75/100青提味都算係頗為少見既口味，配上梳打飲落非常爽涼，加入左青提肉所以飲起上黎會吸到一粒粒的可以有
卡比實在太想念韓餐了，決定呢晚點都要搵間韓國餐黎食，就係咁樣黎到鳳雛燉雞。鳳雛燉雞係由韓國人經營同管理，所以D食物都食得出好正宗同正式。
前菜係韓國菜當然係唔缺少得，又辣又爽又酸又脆，好正。
🔷鳳雛燉雞 💰248 💙80/100
揀左無骨雞同小辣口味，另外仲加左份年糕。燉雞份量老實說真系幾多，卡比有少少低估左佢個份量，兩個人黎到陣系叫呢款都可以填飽七、八成既肚。除左無骨雞，仲有其他配料如紅羅白、薯仔、青瓜片及冬粉等，冬粉好煙韌好過癮，紅羅白、薯仔同雞都煮到入哂味，仲帶有微微既辣，薯仔都煲到淋又粉，係出色既一道菜。
🔷芝士醬汁無骨炸雞 💰128 💙70/100
芝士份量好多，鋪滿哂成個鐵板底部而且厚厚的。而炸雞比韓式醬汁包圍住，辣辣甜甜，再用芝士包住炸雞黎食，好match。
🔷人蔘雞湯 💰138 💙75/100
隻雞很滑而且煲到十分淋，淋得連骨都好輕易咬碎哂。雞入邊除左放上糯米，仲有紅棗，湯飲得出有少許人蔘味既甘，亦清啖得黎好甜，個碗保溫能力超強，慢慢飲都仲keep到熱騰騰。
🔷青提梳打 💰32 💙75/100青提味都算係頗為少見既口味，配上梳打飲落非常爽涼，加入左青提肉所以飲起上黎會吸到一粒粒的可以有D口感咬下。
張貼
