炑八韓烤 (偉華中心)

營業中

休息中

定期就會食吓呢度，因為唔係每間餐廳都keep到水準，嘢食同服務對我嚟講都好重要，今日shopping完就去食個早飯😃今次我哋叫咗幾個主打嘅菜式：-炑八厚切五花腩：份量好足，雖然係唔花籃，但係唔會太過肥膩，慢慢煎好咗之後再展開一嚿嚿，煎到脆卜卜，夾埋生菜，好過癮。-蔥蒜牛五花：呢個有啲驚喜，之前未食過，服務員推介咗我哋就試吓，醃得好入味，同埋啲牛好腍。-大八爪魚：呢個好抵食，原隻八爪魚上，燒到咁上下再展開一嚿嚿，同埋醃嘅韓式汁都好配合。-韓式紅蝦：大大隻嘅蝦，好新鮮。-泡菜煎餅：每次都必點，一碟裏面都好多舊，十分之抵食。-韓國水冷麵：最鍾意佢入邊有啲酸菜，另外再有碟黃色芥辣可以點嚟食，麵質煙靭彈牙。-2杯梳打：今次我哋叫咗菠蘿梳打同埋柚子梳打，清新配搭。