韓雅林

營業中

休息中

銅鑼灣呢間韓雅林系一間幾傳統嘅正宗韓國餐廳，一般嘅韓國菜式基本上呢度都有，有肉類燒烤、鍋物、醬油蟹等等，部分餐廳職員都係韓國人，餐廳仲要播上K-Pop音樂，成個氣氛都沉浸喺韓國世界裡面咁！醬油蟹🦀每份醬油蟹都會配上一碗紫菜飯，呢兩款食物完全係Perfect match😍醬油蟹簡直係白飯小偷🍚蟹肉鮮嫩，爆哂橙色同黃色嘅蟹膏，連蟹肉同蟹蓋每一個角落都充滿蟹膏，好誇張😋醬汁嘅醃製鹹度亦到啱啱好，唔會過鹹或者太勁辣椒味👍🏻醬油醬汁滲透到每一個角落，令蟹肉嘅鮮味更加突出！烤牛排🥩牛排好大條，就算剪開後都足足系兩大塊牛排，肉嘅質素好出色，係我之前喺韓國食韓牛嘅味道🐮牛味濃郁，唔會好似和牛咁偏向油膩感，肉質亦都非常彈牙，經烤燒後仍然充滿肉汁！蜂窩五花腩🐷食韓餐一定要有烤五花腩😍 五花腩嘅肉質柔軟，脂肪同肉嘅分布均勻，咬下去果下肉汁四溢，好滿足。外層燒到帶有焦香感更加增添口感嘅層次！原味嘅五花腩，唔使經過任何嘅腌料，配上泡菜，呢種最正宗嘅韓式食法已經好美味！