Goobne Chicken (屯門時代廣場北翼)

營業中

休息中

呢排真係好鍾意食烤雞，咁啱呢間烤雞店有好多分店，真係總有一間在左近。辣椒脆烤雞 (有骨）平時食開果醬蒜味烤雞，今款點呢款有驚喜，烤雞炸到外脆內軟，而且有少少辣，食落更開胃。蟹籽沙律醬芝士雞蛋卷普通嘅雞蛋捲已經夠晒好食，如果想食龍尾啲可以揀蟹籽沙律醬芝士雞蛋卷，每一啖都食到蟹籽同濃郁嘅沙律醬，真係好滿足。人參雞湯想當年去韓國食咗幾隻人蔘雞湯，依家冇得飛✈️，食住個香港嘅人蔘雞湯頂住先。見到個賣相都覺得養生，成隻雞嘅雞肉都幾嫩滑，加上有蛋絲、蔥、紅棗嘅配搭，個湯都幾鮮甜，帶啖啖嘅人蔘味，啱晒女生想滋補下。最後加杯士多啤梨沙冰🍧，又飽又滿足嘅一餐。